--
ހަމާސްއިން ޔަހޫދީންނަަށް އަމާޒުކޮށް ރޮކެޓު ހަމަލާތަކެއްދީ ތިން ޔަހޫދީއަކު ޒަހަމްކޮށްލައިފި އެވެ.
އިސްރާއީލުގެ އަސްކަރިއްޔާއިން މިރޭ ނެރުނު ބަޔާނެއްގައި ބުނީ ޣައްޒާއިން 10 ވަރަށް ރޮކެޓު އިޒްރޭލުގެ ސަރަހައްދުތަކަށް ފޮނުވާލާފައިވާ ކަމަށާއި ބައެއް ރޮކެޓުތައް ހުއްޓުވާފައިވާ ކަމަށެވެ. އަދި ބައެއް ރޮކެޓުތައް އާންމު ސަރަހައްދުތަކަށް ވެއްޓުމާއި އެކު ލިބުނު ގެއްލުންތައް ބަލަމުންދާ ކަމަށް ޔަހޫދީ އަސްކަރިއްޔާއިން ވަނީ ބުނެފައި އެވެ.
އިޒްރޭލުގެ ނޫހެއް ކަމަށްވާ ހާރެޓްޒް އިން ބުނީ އެ ރޮކެޓުގެ ބައިތައް އަޝްކެލޯން އާއި ގަން ޔާވްނޭއަށް ވެއްޓި ވެހިކަލްތަކަށް ގެއްލުންވެ ތިން ޔަހޫދީއަކަށް އަނިޔާވެފައިވާ ކަމަށެވެ.
މި ހަމަލާގެ ޒިންމާ ނަގައި ހަމާސް ޖަމާއަތުގެ ހަތިޔާރު އެޅި ގޮފި ކަމަށްވާ އަލް ކަސާމް ބްރިގޭޑްސް އިން ބުނީ އަޝްދޯދު ސިޓީއަށް ރޮކެޓް ހަމަލާއެއް ދޭން ފަށާފައިވާ ކަމަށާއި މި ހަމަލާއަކީ އިސްރާއީލުން ޣައްޒާގައި އާންމުންނަށް އަމާޒުކޮށް ދެމުންދާ ހަމަލާތަކުގެ ބަދަލު ހިފުމުގެ ގޮތުން ދިން ހަމަލާއެއް ކަމަށެވެ.
މި ހަމަލާއާއި އެކު އިޒްރޭލުގެ ގިނަ ސަރަހައްދުގައި ސައިރެންގެ އަޑު ގަދަވި އިރު ޔަހޫދީން ބިރުން ރައްކާތެރިކަން ހޯދަން ދުވެ އުޅުނު މަންޒަރުތައް މީސް މީޑިއާގައި ދަނީ ދައުރުވަމުންނެވެ.
ހަމާސްއިން ރޮކެޓު ހަމަލާތަކެއް ދިން އިރު ޔަމަނުގެ ހޫތިންވެސް ދަނީ އިޒްރޭލަށް އަމާޒުކޮށް ބެލިސްޓިކް މިސައިލް ބޭނުންކޮށްގެން ސިލްސިލާ ހަމަލާތަކެއް ދެމުންނެވެ.
.png&w=3840&q=75)
ފަހުގެ
