ޣައްޒާ ސިޓީގެ ސްކޫލަކަށް ހަމަލާދީ ޔަހޫދީން މިއަދު ހިންގި ބޮޑު ގަަތުލުއާންމުގައި ޣައްޒާގެ ބެއިތު ހަނޫނުންގެ މޭޔަރު ޝަހީދުވެފައިވާ ކަމަށް ރިޕޯޓުތައް ބުނެފި އެވެ.
ޣައްޒާގެ ހަބަަރުތައް އެންމެ ތާޒާކަމާއިއެކު ގެނެސްދޭ ގުދުސް ނިއުސް ނެޓްވޯކުން ރިޕޯޓުކުރާގޮތުގައި ޣައްޒާ ސިޓީގެ އިރުމަތީގައި އޮންނަ އަލް-ތުފާހް އަވަށުގައި ހުންނަ ދާރު އަލް އަރްކަމް ސްކޫލަށް އަމާޒުކޮށް އިސްރާއީލުން ދިން ވައިގެ ހަމަލާތަކުގައި ބެއިޓް ހަނޫންގެ މޭޔަރު ޑރ.މުހައްމަދު ނަޒީކް އަލް ކަފަރްނާ ވަނީ ޝަހީދުވެފައި އެވެ.
ނަމަވެސް މިކަން އަދި މިހާތަނަށް ޣައްޒާ ސަރުކާރުން ކަށަވަރުކޮށްދީފައެއް ނުވެއެވެ.
އަލް ޖަޒީރާއިން ރިޕޯޓުކުރާ ގޮތުގައި މި ހަމަލާގައި މިހާތަނަށް 29 މީހަކު ޝަހީދުވެފައިވާއިރު އޭގެ ތެރޭގައި 18 މީހުންނަކީ ކުޑަކުދިންނާއި އަންހެނުން އަދި އުމުރުން ދުވަސްވީ މީހުންނެވެ.
އެސްކޫލަށް ޔަހުދީން ވަނީ ދެފަހަރެއްގެ މަތިން ހަމަލާތަކެއް ދީފައި އެވެ. އެގޮތުން ދަވަނަ ހަމަލާދިން ވަގުތަކީ ފުރަތަމަ ހަމަލާގައި ޒަހަމްވި އަދި ޝަހީދުވި މީހުން ހޯދުމަށް ކަމާބެހޭ ފަރާތްތަކުން އެތަނުގައި ހަރަކާތްތެރިވަމުން ދިޔަ ސަރަހައްދެކެވެ.
ނިރުބަވެރި އިޒްރޭލުގެ ބައެއް މީޑިއާތަކުން ރިޕޯޓުކުރާގޮތުގައި މި ހަމަލާ ޔަހޫދީ އަސްކަރިއްޔާއިން އަމާޒުކުރީ އެސްކޫލުގައި އެވަގުތު ހުރި ހަމާސްގެ ލީޑަރަކު ޝަހީދުކޮށްލުމަށެވެ.
.png&w=3840&q=75)
ފަހުގެ
