
ޣައްޒާގެ ގެދޮރު ގެއްލިފައިވާ އެތައްބަޔަކު ހިޔާވަހިކަން ހޯދަމުންދިޔަ ސްކޫލަކަށް ޔަހޫދީން ވަރުގަދަ ހަމަލާއެއްދީ 29 މީހުން ޝަހީދުކޮށްލިތާ މާގިނަ އިރުތަކެއް ނުވަނީސް ހަމަ އެސްކޫލަށް ދެވަނަ ހަމަލާއެއް ޔަހޫދީން ދީފި އެވެ.

އަލް ޖަޒީރާއިން ރިޕޯޓުކުރާ ގޮތުގައި ޣައްޒާ ސިޓީގެ އެ ސްކޫލަކަށް ޔަހޫދީން އަނެއްކާވެސް ހަމަލާދީފައިވަނީ މީގެ އިރުކޮޅެއް ކުރީންނެވެ. އެގޮތުން ފަހުން ދިން ހަމަލާދީފައިވަނީ އެސަރަހައްދުގައި ސިވިލް ޑިފެންސްގެ ވޮލަންޓިއަރުން ފުރަތަމަ ދިން ހަމަލާތަކުގައި ޝަހީދުވި އަދި ޒަހަމްވި މީހުން ހޯދުމުގެ މަސައްކަތް ކުރަމުން ދަނިކޮށެވެ.
ޣައްޒާގެ ހަބަރުތައް ގެނެސްދެމުންދާ އެހެނިހެން ބައެއް އޭޖެންސީތަކުން ރިޕޯޓުކުރާ ގޮތުގައި ޔަހޫދީން ދެވަނަ ހަމަލާއެއް ދިން އިރު އެސްކޫލަށް ފުރަތަމަ ދިން ހަމަލާއާއި އެކު ރޯވި އަލިފާންގަނޑާއި އެކު ދުން ދިޔައީ އަރަމުންނެވެ.
އިތުރު ތަފްސީލް އަންނަނީ ..