
ޔަހޫދީންގެ އަނިޔާވެރިލަން އިންތިހާއަށް: ސްކޫލަކަށް ބޮން އަޅައި ގިނަ އަދަދެއްގެ ކުޑަކުދިން ހިމެނޭހެން 29 މީހަކު ޝަހީދުކޮށްލައިފި
# ޣައްޒާޣައްޒާގެ ގެދޮރު ގެއްލިފައިވާ އެތައްބަޔަކު ހިޔާވަހިކަން ހޯދަމުންދިޔަ ސްކޫލަކަށް ޔަހޫދީން ވަރުގަދަ ހަމަލާއެއްދީ ބޮޑު ގަތުލުއާންމުއެއް ހިންގައިފި އެވެ.

ރިޕޯޓުތައް ބުނާގޮތުގައި ނިރުބަވެރި އިސްރާއީލުގެ އަސްކަރިއްޔާއިން މިއަދު ހަމަލާދީފައިމިވަނީ ފަލަސްޠީނުގެ އެތައް ސަތޭކަ ބަޔަކަށް ހިޔާވަހިކަން ދެމުން ދިޔަ ދާރުލް އަރްކާން ސްކޫލަށެވެ. މި ސްކޫލަކަކީ އިރުމަތީ އަވަށުގެ ޝުޖާޔާ ފަދަ ސަރަހައްދުތަކުންނާއި ޣައްޒާ ސިޓީގެ އެހެނިހެން ހިސާބުތަކުން ގެދޮރު ގެއްލުނު އެތައްބަޔަކު ހިޔާވަހިކަން ހޯދަމުން ދިޔަ ސްކޫލެކެވެ.
ޣައްޒާ ސަރުކާރުގެ މީޑިއާ އޮފީހުން ބުނާ ގޮތުގައި މި ހަމަލާގައި ޝަހީދުވި މީހުންގެ ދެބައިކުޅަ އެއްބަޔަކީ ކުޑަކުދިންނާއި އަންހެނުންނާއި އުމުރުން ދުވަސްވީ މީހުންނެވެ. އެގޮތުން މިވަގުތާއި ހަމައަށް 29 މީހަކު ޝަހީދުވެފައިވާއިރު އޭގެ ތެރެއިން 18 މީހުންނަނަކީ ކުޑަކުދިންނާއި އަންހެނުން އަދި އުމުރުން ދުވަސްވީ މީހުންނެވެ.
އިޒްރޭލުގެ ބައެއް މީޑިއާތަކުން ރިޕޯޓުކުރާގޮތުގައި ނިރުބަވެރި އިސްރާއީލު އަސްކަރިއްޔާއިން މި ހަމަލާ އަމާޒުކުރީ އެސްކޫލުގައި ހިޔާވަހިކަން ހޯދަމުން ދިޔަ ހަމާސްގެ ލީޑަރަކަށް އަމާޒުކޮށެވެ.
ނަމަވެސް އަދި މިހާތަނަށް ޔަހޫދީ އަސްަކަރިއްޔާއިންވެސް އަދި ހަމާސްއިން ވެސް މި ހަމަލާއާއި ގުޅިގެން ބަހެއް ބުނެފައި ނުވެއެވެ.