މިއަދުގެ މިވަގުތާއި ހަމައަށް ޣައްޒާއިން 100 އަށްވުރެ ގިނަ މީހުން ޝަހީދުކޮށްލައިފި

މިއަދުގެ މިވަގުތާއި ހަމައަށް ޣައްޒާއިން 100 އަށްވުރެ ގިނަ މީހުން ޝަހީދުކޮށްލައިފި އެވެ.

ސިއްހީ މަސްދަރުތަކާއި ހަވާލާދީ އަލް ޖަޒީރާއިން ރިޕޯޓުކުރާ ގޮތުގައި ފަތިހުން ފެށިގެން އިސްރާއީލުން ޣައްޒާއަށް ދިން ވަރުގަދަ ހަމަލާތަކުގައި މިހާތަނަށް 100 މީހުން ވަނީ ޝަހީދުވެފައި އެވެ.

އެގޮތުން އެންމެ ގިނަ ބަޔަކު ޝަހީދުވެފައިވަނީ ޣައްޒާސިޓީގެ އުތުރުގައި މީހުން ދިރިއުޅޭ ގެތަކަށާއި ގެދޮރު ގެއްލިފައިވާ އެތައް ބަޔަކު ހިޔާހޯދަމުން ދިޔަ ސްކޫލަކަށް ޔަހޫދީން ދިން ވައިގެ ހަމަލާތަކުގައި އެވެ. އެގޮތުން އެހަމަލާގައި އެކަނިވެސް 58 މީހުން ޝަހީދުވެފައިވާ ކަމަށް ރިޕޯޓުތައް ބުނެއެވެ.

މިއާއިއެކު ޔަހޫދީންގެ ހަމަލާތަކުގައި ޣައްޒާއިން ޝަހީދުވި މީހުންގެ އަދަދު ވަނީ 50،600 އަށްވުރެ މައްޗަށް އަރާފައި އެވެ. އަދި ޒަހަމްވި މީހުންގެ އަަދަދު ވަނީ 114,638 އަށްވުރެ މައްޗަށް ގޮސްފައި އެވެ.