އދ ގެ ކްލިނިކަކަށް ޔަހޫދީން ބޮން އަޅައި 9 ކުޑަކުދިން ހިމެނޭހެން 19 މީހަކު ޝަހީދުކޮށްލައިފި

ޣައްޒާގައި ހުންނަ އދ ގެ ފަލަސްތީނު ރެފިއުޖީންނާއި ބެހޭ ޖަމިއްޔާގެ ކްލިނިކަަކަށް ޔަހޫދީން ހަމަލާދީފި އެވެ.

ރިޕޯޓުތައް ބުނާގޮތުގައި ޔަހޫދީން މިއަދު ވައިގެ ހަމަލާތަކެއް ދީފައިވަނީ ޣައްޒާގެ އުތުރުގައި ހުންނަ ޖަބަލިއާ ރެފިއުޖީ ކޭމްޕްގައި ގާއިމްކޮށްފައިވާ ޔޫއެންއާރުޑަބްލިއުއޭ ކްލިނިކަކަށެވެ.

ޔޫއޭޓީއަށް ދިން ހަމަލާގައި 19 މީހުން ޝަހީދުވި އެތައް ބަޔަކު ވަނީ ޒަހަމްވެފަ އެވެ. އަދި ޝަހީދުވި މީހުންގެ ތެރޭގައި ނުވަ ކުޑަކުދިން ހިމެނޭ ކަމަށް ޣައްޒާގެ ހެލްތު މިނިސްޓްރީގެ ޑިރެކްޓަރު ވިދާޅުވި އެވެ.

މި ހަމަލާއާއި ގުލިގެން އަދި މިހާތަނަށް ޔަހޫދީން ބަހެއް ބުނެފައި ނުވާއިރު އދ އިންވެސް އަދި މިހަމަލާއާއި ގުޅޭ ތަފްސީލެއް ހާމަނުކުރެއެވެ.

މިފަދަ ހަމަލާއެއް ޔަހޫދީން ދިން އިރު ޣައްޒާގައި ހުންނަ އދ ގެ މަރުކަޒުތަކަށް ޔަހޫދީން ދެމުންދާ ހަމަލާތައް ވަނީ ގިނަވެފައި އެވެ.