logoEN
Sto top
ހޫތީންނާއި ހަމާސްއިން އިޒްރޭލުގެ އަވަށްތަކަށް ހަމަލާތަކެއް ފޮނުވާލައިފި: ހޫތީން ފޮނުވާލީ ބެލިސްޓިކް މިސައިލެއް!

ހޫތީންނާއި ހަމާސްއިން އިޒްރޭލުގެ އަވަށްތަކަށް ހަމަލާތަކެއް ފޮނުވާލައިފި: ހޫތީން ފޮނުވާލީ ބެލިސްޓިކް މިސައިލެއް!

އަހުމަދު ޝުރާއު

logo

3/24/2025, 7:53:58 PM

# ޣައްޒާ

ޔަމަނުގެ ހޫތީންނާއި ފަލަސްތީނުގެ މިނިވަން ކަމަށް ހަނގުރާމަކުރަމުންދާ ހަމާސްގެ ހަނގުރާމަވެރިން އިޒްރޭލުގެ ބައެއް އަވަށްތަކަށް އަމާޒުކޮށް ހަމަލާތަކެއް ފޮނުވާލައިފި އެވެ.

Wamco

ބޭރުގެ ރިޕޯޓުތައް ބުނާގޮތުގައި މިރޭ އިޒްރޭލަށް އެންމެ ފުރަތަމަ ހަމަލާއެއް ފޮނުވާލީ ޔަމަނުގެ ހޫތީންނެވެ. އެގޮތުން ހޫތީން ވަނީ އިޒްރޭލުގެ އަމާޒަކަށް މިރޭ ބެލިސްޓިކް މިސައިލެއް ފޮނުވާލާފައި އެވެ. މި ހަމަލާއާއި އެކު އިޒްރޭލުގެ ސަރަހައްދުތަކުގައި ސައިރެންގެ އަޑުތައް ގަދަވި އިރު ނިރުބަވެރި އިޒްރޭލުގެ އަސްކަރިއްޔާއިން ވަނީ މި ހަމަލާ ހުއްޓުވާފައިވާކަން ހާމަކޮށްފައި އެވެ. ޔަމަނުން އިޒްރޭލަށް އަމާޒުކޮށް ހަމަލާއެއް ފޮނުވާލީ މީގެ ދެ ގަޑިއެއްހާ އިރު ކުރީންނެވެ.

ހަމާސްއިން އިޒްރޭލަށް އަމާޒުކޮށް ހަމަލާތަކެއް ދޭން ފެށީވެސް މީގެ ދެގަޑި އިރެއްހާ ކުރީންނެވެ. ނަމަވެސް މި ހަމަލާތައް ހުއްޓާނުލާ ހަމާސްއިން ދަނީ ދެމުންނެވެ. އެގޮތުން މީގެ އިރުކޮޅެއް ކުރީންވެސް ޣައްޒާގެ ސަރަހައްދަކުން އިޒްރޭލަށް އަމާޒުކޮށް ރޮކެޓެއް އުދުއްސާލާފައިވާ ކަމަށް ޣައްޒާގެ ހަބަރުތައް ގެނެސްދޭ ފަރާތްތަކުން ވަނީ ރިޕޯޓުކޮށްފައި އެވެ.

ހަމާސްގެ ހަމަލާތަކާއި ގުޅިގެންވެސް ޔަހޫދީ އަސްކަރިއްޔާއިން ބުނަމުންދާ ހަމަލާތައް ހުއްޓުވާފައިވާ ކަމަށެވެ.

މިދިޔަ ހަފްތާގެ އަންގާރަ ދުވަހު ޔަހޫދީން އަލުން ޣައްޒާއަށް ހަމަލާތައް ދޭން ފެށުމާއި އެކު ޔަމަނުގެ ހޫތީން ދަނީ ކޮންމެ ރެއަކުހެން އިޒްރޭލަށް އަމާޒުކޮށް ހަމަލާތައް ފޮނުވާލަމުންނެވެ. އަދި މި ހަމަލާތައް މެދުކަނޑާލާނީ ޔަހޫދީން ޣައްޒާގައި ހިންގަމުންދާ ގަތުލު އާންމު ހުއްޓާލުމުން ކަމަށްވެސް ވަނީ ހޫތީން ބުނެފައި އެވެ.

Maldivian
ކޮމެންޓް
Maldivian
ފަހުގެ
STELCO Inside