ރަފާހްގައި ހުންނަ ރެޑްކޮރޮސްގެ އިމާރާތަކަށް ޔަހޫދީން ހަމަލާދީފި, ޔަހޫދީން ބުނަނީ "އޮޅުމަކުން" ކަމަށް!

ޣައްޒާގެ ދެކުނުން ރަފާހްގައި ހުންނަ ދުނިޔޭގެ ރެޑްކޮރޮސް ޖަމާއަތުގެ އިމާރާތަކަށް ޔަހޫދީން ހަމަލާދީފި އެވެ.

ޣައްޒާ ސިޓީގައި ހަރަކާތްތެރިވާ އިސްރާއީލު ސިފައިން ރަފާހްގެ އިމާރާތަކަށް ބަޑީގެ ހަމަލާތައް ދީފައިވާ ކަމަށާއި އެމަލާއަކީ އެއިމާރާތުގައި ތުހުމަތުކުރެވޭ ބަޔަކު ތިބި ކަމުގެ މައުލޫމާތު އެކު ސިފައިންނަށް ނުރައްކަލެއް އޮތްކަން އެނގުމުން ދިން ހަމަލާއެއް ކަމަށް ކަމަށް އަސްކަރިއްޔާއިން ނެރުނު ބަޔާނެއްގައި ބުނެފައިވެ އެވެ. މި ހަމަލާގައި އަދި އެއްވެސް މީހަކަށް ގެއްލުމެއް ލިބިފައި ނުވި ނަމަވެސް އިމާރާތަށް "ކުޑަ "ގެއްލުމެއް ލިބިފައިވާ ކަމަށް އެ ބަޔާނުގައި ވެ އެވެ."ތަހުގީގަށް ފަހު އެނގުނީ އައިޑެންޓިފިކޭޝަން ގޯސްކަމަށާއި އެ އިމާރާތަކީ ރެޑް ކްރޮސްގެ އިމާރާތެއްކަން،" މި ހަމަލާއާއި ގުޅިގެން ޔަހޫދީންގެ ބަޔާނުގައި ބުނެފައި އެވެ.އިންޓަނޭޝަނަލް ކޮމިޓީ އޮފް ދަ ރެޑް ކްރޮސް އިން މިރޭ އިރާކޮޅު ނެރުނު ބަޔާނެއްގައި ބުނެފައި ވަނީ ރަފާހުގައި ހުންނަ އެ އެޖަމާއަތުގެ އޮފީހަށް ގެއްލުން ދީފައި ވަނީ އެކްސްޕްލޯސިވް ޕްރޮޖެކްޓައިލްއަކުން ކަމަށާއި އެއްވެސް މުވައްޒަފަކަށް މި ހަމަލާގައި ގެއްލުމެއް ލިބިފައި ނުވާ ކަމަށެވެ.

އަދި އައިސީއާރުސީން ވަނީ އެ ތަނުގެ ގޯތިތެރެއަށް ދިން ހަމަލާ ހަރުކަށި އިބާރާތުން ކުށްވެރިކޮށްފަ އެވެ.