އީދާއި ދިމާކޮށް މޯލްޑިވިއަންގެ ދަތުރުތައް އިތުރުކޮށްފި

ކުރިއަށް އޮތް ފިތުރު އީދު ބަންދާ ދިމާކޮށް، ގައުމީ އެއާލައިން މޯލްޑިވިއަންއިން އިތުރު ދަތުރުތަކެއް ޝެޑިއުލްކޮށްފި އެވެ.

މިދަތުރުތަކާއި ގުލޭގޮތުން މޯލްޑިވިއަންއިން ބުނީ އެ އެއާލައިނުން އީދާ ދިމާކޮށް އެއާލައިންއިން ދަތުރުކުރަމުންދާ 11 މަންޒިލަކަށް ދަތުރުތައް އިތުރުކުރުމަށް ނިންމާފައިވާ ކަމަށާއި އެ ދަތުރުތައް ކުރާނީ މި މަހުގެ 29 ވަނަ ދުވަހުން ފެށިގެން އަންނަ މަހުގެ 5 ވަނަ ދުވަހާ ހަމައަށް ކަމަށެވެ.

މިގޮތުން އައްޑޫ ސިޓީ އަށާއި ފުވައްމުލައް ސިޓީގެ އިތުރުން، ހދ. ހއ. ށ. ލ. ގދ. އަދި ގއ އަތޮޅަށް ވެސް އިތުރު ދަތުރތައް ކުރުމަށް ވަނީ ހަމަޖެހިފަ އެވެ. އަދި ވަކީން ޚާއްސަކޮށް އައްޑޫ ސިޓީ ގަމަށް އިތުރު 8 ދަތުރު އަދި ފުވައްމުލައް ސިޓީއަށް އިތުރު 5 ދަތުރު ކުރުމަށް ވަނި އެއާލައިނުން ނިންމާފައެވެ. އީދާއި ދިމާކޮށް މުޅި ޖުމުލަ އިތުރު 30 ދަތުރު ކުރުމަށް މޯލްޑިވިއަންެއިން ވަނީ ނިންމާފައި އެވެ.

އީދާއި ދިމާކޮށް ޑޮމެސްޓިކް އެއާޕޯޓުތަކަށް މޯލްޑިވިއަންގެ ދަތުރުތައް އިތުރު ކުރި އިރު އެއާލައިނުން އަންނަނީ އީދު ބަންދާއި ދިމާކޮށް ބ އަތޮޅަށް ސީޕްލޭން ދަތުރުތައް ފެށުމަށްވެސް ތައްޔާރުވަމުންނެވެ.

މޯލްޑިވިއަން އިން ބުނީ، އީދު ބަންދާ ދިމާކޮށް ދަތުރުތައް އިތުރު ކުރަނީ، ޑިމާންޑަށް ބަލައިގެން ކަމަށާއި އަދި ކުރިއަށް އޮތްތަނުގައި ވެސް ދަތުރުތައް އިތުރު ކުރަން ޖެހިފައިވާ ކަމަށެވެ. އަދި ރަމަޟާން މަހުގެ ފަހު 10 ގެ ބަންދާއި ދިމާކޮށްވެސް ބައެއް ރޫޓުތަކަށް ދަތުރުތައް އިތުރުކުރަމުންދާނެ ކަން އެއެއާލައިނުން ހާމަކުރެއެވެ.