ވަޒީރު އާއިޝަތު ޝިހާމް ފ ނިލަންދޫއަށް!

އިޖުތިމާޢީ އަދި ޢާއިލީ ތަރައްޤީއާ ބެހޭ ވަޒީރު ޑރ ޢާއިޝަތު ޝިހާމް ފ ނިލަންދޫއަށް ވަޑައިގެންފި އެވެ.

ރަސްމީ ދަތުރުފުޅެއްގައި ވަޒީރު ޝިހާމް ފ ނިލަންދޫއަށް މިއަދު ވަޑައިގަތުމުން އެ ރަށުން ވަނީ އެ ކަމަނާއަށް ހޫނު މަރުހަބާއެއް ދަންނަވާފައިއެވެ.

އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން ބުނީ ވަޒީރުގެ މި ދަތުރުފުޅަކީ ފ އަތޮޅުގައި އަލަށް ޤާއިމްކުރާ ފެމެލީ އެންޑް ޗިލްޑްރަން ސެންޓަރުގެ މަސައްކަތްތައް ކުރިއަށްދާގޮތް ބައްލަވާލެއްވުމާއެކު، އާ ސެންޓަރުގައި ޚިދުމަތްތައް ކުރިއަށް ގެންދާނެ ގޮތްތަކާއި ގުޅޭގޮތުން މަޝްވަރާކުރުމާއި، އެފްސީއެސްސީއަށް ޒިޔާރަތްކުރެއްވުމަށް ކުރައްވާ ދަތުރުފުޅެއް ކަމަށެވެ.

އެގޮތުން މި ދަތުރުފުޅުގައި، މުއައްސަސާތަކާއި ގުޅިގެން އިޖުތިމާޢީ އަދި ޢާއިލީ ތަރައްޤީއަށް ކުރެވޭނެ ކަންކަމާއި ގުޅޭގޮތުން މަޝްވަރާކޮށް ޚިޔާލުބަދަލުކުރެއްވުމަށް މުއައްސަސާތަކާއެކު ބައްދަލުވުންތައް ކުރިއަށް ގެންދިއުމަށް ވަނީ ހަމަޖެހިފައިކަމަށްވެސް އެވުޒާރާއިން ބުނެއެވެ.