ސަޕޯޓިންގ ޗިލްޑްރެން ވިތް ބިހޭވިއަރަލް އިޝޫސް، ޑިޕްރެޝަން އަދި އެންޒައިޓީއާ ގުޅޭ ސެޝަނެއް

އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާގެ ދަށުން ހިންގަމުންދާ ފިޔަވަތީގެ މުވައްޒަފުންނަށް އަމާޒުކޮށްގެން ޚާއްސަ ސެޝަނެއް ބާއްވައިފި އެވެ.

އެވުޒާރާއިން ބުނި މި ސެޝަންއަކީ ފިޔަވަތީގެ މުވައްޒަފުން, ކުދިންގެ ކިބައިގައި ހުންނަ ބިހޭވިއަރަލް މައްސަލަތަކާއި ޑިޕްރެޝަނާއި އެންޒައިޓީ ހުންނަ ކުދިން ބެލެހެއްޓުމުގައި ސަމާލުކަން ދޭންވީ ކަންކަމަށް އަހުލުވެރިކުރުމަށް ކުރިޔަށް ގެންދިޔަ ސެޝަނެއް ކަމަށެވެ.

08 މާރިޗް 2025 ގައި ބްލިސް މަލްޓީ ސްޕެޝިއަލިޓީ ތެރަޕީ ސެންޓަރގެ ކޮމިއުނިޓީ އައުޓްރީޗް ޕްރޮގްރާމްގެ ދަށުން "ސަޕޯޓިންގ ޗިލްޑްރެން ވިތް ބިހޭވިއަރަލް އިޝޫސް، ޑިޕްރެޝަން އަދި އެންޒައިޓީ" ނަމުގައި ބޭއްވި މި މަޢުލޫމާތު ސެޝަންއިން ވަރަށް ބޭނުންތެރި މަޢުލޫމާތު ލިބިގެންދިޔަކަމަށް ބައިވެރިން ވަނީ ފާހަގަކޮށްފައެވެ،

މި ސެޝަންގައި ޖުމްލަ 19 މުވައްޒަފުން ވަނީ ބައިވެރިވެފައެވެ.