ވެމްކޯއިން ރަމަޟާން މަހު ކުނި ނަގާނެ ގަޑިތައް އާންމުކޮށްފި

ރަމަޟާން މަހު ކުނި ނަގާނެ ގަޑިތައް މޯލްޑިވްސް ވޭސްޓް ކޯޕަރޭޝަން (ވެމްކޯ)އިން އާންމުކޮށްފިއެވެ.

މިކަން ހާމަކޮށް ވެމްކޯއިން އެކްސްގައި ކޮށްފައިވާ ޕޯސްޓްގައި ބުނެފައިވަނީ އެކުންފުނިން ރަމަޟާން މަހަށް ތައްޔާރުވުމުގެ ގޮތުން 23 ފެބްރުއަރީ އިން ފެށިގެން މާލެ އަދި ހުޅުމާލެ ސަރަޙައްދުގެ ޚިދުމަތައް ދޭ ގަޑިތަކަށް ބަދަލު ގެނެސްފައިވާކަމަވެ.

އެގޮތުން މާލޭ ސަރަހައްދުގައި ކުނި ނެގުމަށް ހަމަޖެހިފައިވަނީ ރޭގަނޑު 20:30 އިން ފެށިގެންނެވެ. އަދި ކުނި ތައްޔާރުކުރާނީ އިރުއޮއްސި 19:00 އިން 20:00 އަށް ދެމެދުއެވެ.

ހުޅުމާލެ ސަރަހައްދުގައި ކުނި ނެގުމަށް ހަމަޖެހިފައިވަނީ ރޭގަނޑު 21:00 އިން ފެށިގެންނެވެ. އަދި ހުޅުމާލެ ސަރަހައްދުގައި ކުނި ތައްޔާރުކުރަން އެދިފައިވަނީ އިރުއޮއްސި 19:30 ން 20:30 އާއި ދެމެދުއެވެ. އަދި ވެމްކޯއިން ބުނީ މި ބަދަލު ގެނެސްފައިވަނީ ފެބްރުއަރީ 23 އިން ފެށިގެން އޭޕްރީލް މަހުގެ 7 ވަނަ ދުވަހާ ހަމައަށެވެ.

މީގެ އިތުރުން ރަމަޟާން މަހަކީ އެހެން މަސްތަކައްވުރެ ކުނި ގިނަވާ މައްސަރެކެވެ. އަދި މި މައްސަރަކީ މާލޭގެ މަގުތަކުގައިވެސް ކުނި ގިނަވާ މައްސަރެއްކަން ފާހަގަކުރެވެއެވެ.