logoEN
Sto top
މިމަހުގެ 18 ގެ ކުރިން ލުބުނާނުގައި ތިބި ޔަހޫދީ ސިފައިން ފައިބާން އަންގައިފި

މިމަހުގެ 18 ގެ ކުރިން ލުބުނާނުގައި ތިބި ޔަހޫދީ ސިފައިން ފައިބާން އަންގައިފި

އަހުމަދު ޝުރާއު

logo

2/12/2025, 1:31:55 PM

# ލުބުނާން - އިސްރާއިލް

މި ހިނގާ ފެބްުރުއަރީ މަހުގެ 18 ވަނަ ދުވަހުގެ ކުރީން ލުބުނާނުގައި ތިބި ޔަހޫދީ ސިފައިން އެގައުމުން ފައިބާން ޖެހޭނެކަމަށް ލުބުނާނުގެ ރައީސް ޖޯސެފް އައޫން އަންގަވައިފި އެވެ.

Wamco

ރިޕޯޓުތައް ބުނާގޮތުގައި ލުބުނާނުގެ ދެކުނުގައި މިހާރު ތިބި ނިރުބަވެރި އިސްރާއީލުގެ ސިފައިން މި މަހުގެ ނިޔަލަށް ސިފައިން ބަހައްޓަން އިސްރާއީލުން އެދިފައިވާ ކަމުގެ އަޑުތައް ފެތުރިފައި ވަނިކޮށް، ލުބުނާނުގެ ރައީސް ކަމަށް ދާދި ފަހުން އައްޔަން ކުރެއްވި ޖޯސެފް އައުން ވަނީ ފެބްރުއަރީ މަހުގެ 18 ވަނަ ދުވަހުގެ ކުރިން އިޒްރޭލުން އެ ގައުމުން މުޅިން ފައިބާން ޖެހޭ ކަމަށް ވިދާޅުވެފަ އެވެ.

ފެބްރުއަރީ 18 އަކީ ލުބުނާނުގައި ޔަހޫދީން ހިންގަމުންދިޔަ ގަތުލުއާންމު ނިންމާލުމަށް އެއްބަސްވި އެއްބަސްވުމުގެ ދަށުން ޔަހޫދީން ލުބުނާނުން ފައިބާން ޖެހޭ ސުންގަޑި އެވެ.

އައޫންއާ ހަވާލާދީ ލުބްނާނުގެ ނޭޝަނަލް ނިއުސް އެޖެންސީން ބުނީ ފެބްރުއަރީ މަހުގެ 18 ވަނަ ދުވަހުގެ މުއްދަތުގެ ތެރޭގައި އިސްރާއީލުން އެގައުމުން ފޭބުމަށް އީޔޫގެ ގައުމުތަކުން އިސްރާއީލަށް ޕްރެޝަރު ކުރަން ޖެހޭ ކަމަށެވެ.

ލުބުނާނުގެ އޮފިޝަލަކާއި ބޭރުގެ ޑިޕްލޮމެޓަކު ރޮއިޓާސް ނިއުސް އެޖެންސީއަށް މައުލޫމާތު ދެއްވަމުން ވިދާޅުވީ ލުބުނާނުގެ ދެކުނުގެ ފަސް ޕޯސްޓެއްގައި ފެބްރުއަރީ މަހުގެ 28 ވަނަ ދުވަހާ ހަމައަށް ސިފައިން ބެހެއްޓުމަށް އިސްރާއީލުން އެދިފައިވާ ކަމަށެވެ.

ފަލަސްތީނާއި އިސްރާއީލުގެ މައްސަލައަށް ދެ ދައުލަތެއްގެ ހައްލެއް ގެނައުމަށް ލުބްނާނުން ވައުދުވެފައިވާކަން ތަކުރާރުކުރައްވައި އައުން ވިދާޅުވީ ފަލަސްތީނުގެ ބިމުން ފަލަސްތީނު މީހުން ވަކިވުމަށް ނުވަތަ އދ.ގެ ގަރާރުތަކުގައި ބަޔާންކޮށްފައިވާ ގާނޫނީ ހައްގުތަކަށް އުނިކަން އަންނާނެ ފަދަ ހުށަހެޅުންތައް އޭނާ ކުށްވެރިކޮށް އެކަންކަމާއި ދެކޮޅު ކަމަށެވެ.

Maldivian
ކޮމެންޓް
Maldivian
ފަހުގެ
STELCO Inside