ލ މާބައިދޫ ކައުންސިލް މެމްބަރަކު ކުއްލި ގޮތަކަށް ނިޔާވެއްޖެ އެވެ.

މައުލޫމާތު ލިބިފައިވާގޮތުގައި މިއަދުގެ ވަގުތެއްގައި ކުއްލި ގޮތަކަށް ނިޔާވީ މައިބައިދޫ ކައުންސިލްގެ މެންބަރު، ލ. މާބައިދޫ ފިނިފެންމާގޭ ޙަސަން ޒަރީރު އެވެ.

ރާއްޖޭގެ ބައެއް ނޫސްތަކުން ރިޕޯޓުކުރާގޮތުގައި 58 އަހަރުގެ ޒަރީރު ނިޔާވީ ހާޓް އެޓޭކެއް ޖެހިގެން މިއަދުގެ ހަވީރުގެ ވަގުތެއްގައި އެވެ.

ޒަރީރު ނިޔާވުމާއި ގުޅިގެން ކައުންސިލްތަކާއި ބެހޭ ވުޒާރާގެ ވަޒީރު އާދަމް ޝަރީފް ޢުމަރާއި އެވުޒާރާގެ އެންމެހާ މުވައްޒަފުންގެ ނަމުގައި ޢާއިލާއަށް ވަނީ ތަޢުޒިޔާ ދަންނަވާފައި އެވެ.