ކުރީގެ ފަސްޓްލޭޑީ, ފަޒްނާގެ މަންމާފުޅު އަވަހާރަވެއްޖެ

ކުރީގެ ރައީސް އިބްރާހިމް މުހައްމަދު ޞާލިހުގެ އަނބިކަނބަލުން ފަޒްނާ އަހުމަދުގެ ގެ މަންމާފުޅު އަވަހާރަވެއްޖެއެވެ.

މައުލޫމާތު ލިބިފައިވާ ގޮތުގައި ފަޒްނާ އަޙްމަދުގެ މަންމަ، ޒަމީރާ ޢުމަރު އަވަހާރަވީ މިއަދުގެ މެންދުރުފަހުގެ ވަގުތެއްގައި އައިޖީއެމް ހޮސްޕިޓަލުގައި ފަރުވާ ދެމުން ދަނިކޮށެވެ.

އެގޮތުން ރާއްޖޭގެ ނޫހެއް ކަމަށްވާ ރާއްޖެއެމްވީއިން ރިޕޯޓުކޮށްފައިވާ ގޮތުގައި އެކަމަނާ އަވަހާރަވެފައި ވަނީ އާލާސްކަންފުޅުވެގެން އައިޖީއެމް ހޮސްޕިޓަލަށް ގެންގޮސް ހޮސްޕިޓަލްގައި އަވަސް ފަރުވާދެމުންދަނިކޮށެވެ.

ޒަމީރާ އަވަހާރަވުމާއި ގުޅިގެން ރައީސް ޑރ މުހައްމަދު މުއިއްޒު ވަނީ އެކަމަނާގެ އާއިލާއަށް ތައުޒިޔާގެ މެސެޖެއް ފޮނުއްވާފައި އެވެ. އެގޮތުން އެކްސްގައި ކުރެއްވި ޕޯސްޓެއްގައި ރައީސް މުއިއްޒު ވިދާޅުވީ ރައީސް އިބްރާހީމް މުޙައްމަދު ޞާލިޙްގެ އަނބިކަނބަލުން ފަޒްނާ އަޙްމަދުގެ ލޮބުވެތި މަންމަ، ޒަމީރާ ޢުމަރު އަވަހާރަވުމުގެ ފުން ހިތާމައިގާ ބައިވެރިވެ، ރައީސް އިބްރާހީމް މުޙައްމަދު ޞާލިޙްގެ ދެކަނބަލުންނަށާއި ޢާއިލާއަށް ތަޢުޒިޔާ ދަންނަވާ ކަމަށެވެ.