ގެމަލޭންޑް ޓީވީ ވެޓަރަންސް ފުޓްސަލް ޗެލެންޖްގައި ބައިވެރިވުމުގެ ފުރުސަތު ހުޅުވާލައިފި

ގެމަލޭންޑް ޓީވީ އާއި ގއ. ގެމަނަފުށީ ކައުންސިލް ގުޅިގެން ކުރިއަށް އޮތް ރޯދަމަހު ގެމަނަފުށީގައި ބޭއްވުމަށް ހަމަޖެހިފައިވާ "ގެމަލޭންޑް ޓީވީ ވެޓަރެންސް ފުޓްސަލް ޗެލެންޖް 2025" ގައި ބައިވެރިވުމުގެ ފުރުސަތު ހުޅުވާލައިފިއެވެ.

ގެމަލޭންޑް ޓީވީގެ ފަރާތުން އޮފިޝަލަކު ގާފު ސްޕޯޓްސްއަށް މައުލޫމަތުދިން ގޮތުގައި މިމުބާރާތަކީ 35 އަހަރުން މަތީގެ ކުޅުންތެރިންނަށް އަމާޒުކޮށްގެން 2022 ވަނަ އަހަރުން ފެށިގެން ގެމަނަފުށީގައި ބާއްވަމުން އަންނަ މުބާރާތެކެވެ. ނަމަވެސް އިތުރު ޓީމުތަކަށް ފުރުސަތު ދިނުމުގެ ގޮތުން މިއަހަރުގެ މުބާރާތުގައި ކޮންމެ ޓީމަކުން ވެސް 30-35 އަހަރާއި ދެމެދުގެ އެއްކުޅުންތެރިއަކު ޓީމު ލިސްޓުގައި ހިމެނުމުގެ ފުރުސަތު އޮންނާނެވެ.

މުބާރާތުގައި ބައިވެރިވުމުގެ ފުރުސަތު 16 ޖެނުއަރީ 2025 އިން 31 ޖެނުއަރީ 20225 ގެ ނިޔަލަށް ހުޅުވާލެވިފައިވާއިރު، ޓީމު ލިސްޓް ހުށަހަޅަންޖެހޭ އެންމެ ފަހުގެ ތާރީޚަކީ 15 ފެބުރުއަރީ 2025 އެވެ. އަދި މިއަހަރުގެ މުބާރާތުގައި ގެމަނަފުށީގެ އިތުރުން ގއ. ކަނޑުހުޅުދޫ އަދި ގއ. ކޮނޑޭގެ ޓީމުތަކަށް ވެސް މުބާރާތުގައި ބައިވެރިވުމުގެ ފުރުސަތު ވަނީ ހުޅުވާލެވިފައެވެ.

7 މާރިޗު 2025 ވަނަ ދުވަހު ފެށުމަށް ހަމަޖެހިފައިވާ، މިމުބާރާތުގެ ޗެންޕިއަން ޓީމަށް 15،000 އަދި ރަނަރަޕް ޓީމަށް 5،000 ރުފިޔާގެ ފައިސާގެ އިނާމެއް ހުށަހަޅާފައިވާއިރު، މިއަހަރުގެ މުބާރާތުގެ މެއިން ސްޕޮންސަރ އަކީ ގއ.ގެމަނަފުށީ ކައުންސިލްގެ އިދާރާ އެވެ.