ބައިނަލްއަޤްވާމީ މައިދާނުގައި ރާއްޖެއިން ގެންގުޅޭ ސިޔާސަތުތައް ބަދަލެއް ނުވޭ - ހަލީލް

ބައިނަލްއަޤްވާމީ މައިދާނުގައި ރާއްޖެއިން ގެންގުޅޭ ސިޔާސަތުތައް ބަދަލު ނުގެންނަ ކަމަށް ރާއްޖޭގެ ފޮރިން މިނިސްޓަރު ޑރ އަބްދުالله ހަލީލް ވިދާލުވެއްޖެ އެވެ.

ހަލީލް މިފަދައިން ވިދާޅުވީ ރައީސް ޑރ މުހައްމަދު މުއިއްޒު އެސްޓޯނިއާއަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން އެގައުމުގެ ގާނޫނު ހަދާ މަޖިލީސް ރީޖިކިގޫ ގެ ރައީސް ލައުރީ ހުޒާރް ބައްދަލުކުރެއްވުމުން އެބައްދަލުވުމަށްފަހު ލައުރީ ހުޒާރް އެކްސްގައި ކުރެއްވި ޕޯސްޓެއްގައި ރާއްޖެއިން ޔޫކްރެއިނަށް ތާއީދުކުރާ ކުރާތޯ އެކަމަށް މަރުހަބާ ދެންނެވުމާއި ގުޅިގެން ރާއްޖޭގެ ހާރިޖީ ސިޔާސަތު ބަދަލުވެފައިވާ ކަމަށް އިދިކޮޅުން ބުނަމުން ދިޔުމާއި އެކުގައި އެވެ.

އެގޮތުން މިއަދު އެކްސްގައި ކުރެއްވި ޕޯސްޓެއްގައި ހަލީލް ވިދާޅުވީ ބައިނަލްއަޤްވާމީ މައިދާނުގައި ރާއްޖެއިން ގެންގުޅޭ ސިޔާސަތުތައް ބަދަލު ނުވާ ކަމަށާއި އ.ދ. ގައި ރާއްޖެއިން ވޯޓު ދެމުންދާގޮތް ބައްލަވާލެއްވުމުން އެކަން ސާފުވާނެ ކަމަށެވެ.

އަދި ކުދި ޤައުމުތަކުގެ މިނިވަންކަމާއި ސިޔާދަތާއި އިސްތިޤްލާލަށް ބުރޫއަރާ ފަދަ ހާލަތްތަކުގައި ރާއްޖެއިން އަބަދުވެސް ނަގަނީ ޕްރިންސިޕަލް ސްޓޭންޑު ކަމަށާއި ދިވެހިރާއްޖޭގެ ޚާރިޖީ ސިޔާސަތު ބިނާވެގެންވަނީ އެއްވެސް ޤައުމަކާ ހަތުރުވެރި ނުވެ ދިވެހި ރައްޔިތުންނަށް ލާބައާއި މަންފާ ލިބޭ ގޮތަށް އަދި ރާއްޖޭގެ މިނިވަންކަމާ ސިޔާދަތަށް ބުރޫ ނާރާގޮތަށް ހުރިހާ ޤައުމަކާއެކީވެސް ގާތް ގުޅުން ބޭއްވުމުގު މައްޗަށް ކަމަށް ހަލީލް ވިދާޅުވިއެވެ.

ރާއްޖެއިން މީގެ ކުރިންވެސް ރަޝިޔާއިން ޔޫކްރެއިނަށް ދެމުންދާ ހަމަލާތައް ކުށްވެރިކޮށްފައިވެސް ވެއެވެ. އަދި ރަޝިއާއިން ޔޫކުރޭނަށް އަރައި ދެމުންދާ ހަމަލާތައް ކުށްވެރިކޮށް އ.ދ. ގެ ޖެނެރަލް އެސެމްބްލީން 2022 ވަނަ އަހަރު ފާސްކުރި ގަރާރަކަށްވެސް ރާއްޖެއިން ތާއީދުކޮށްފައި ވެއެވެ. އެ ގަރާރު ފާސްކޮށްފައިވަނީ އދ ގެ އާންމު މަޖިލީހުގެ ރިޔާސަތު ރާއްޖޭގެ ފޮރިން މިނިސްޓަރު އަބްދުالله ޝާހިދު ބެލެހެއްޓެވި ވަގުތެއްގައިވެސް މެއެވެ.