--
ޣައްޒާގައި ނިރުބަވެރި އިޒްރޭލުން ހިންގަމުންދާ ލާއިންސާނީ އެތައް އަމަލަކަށް ފާޅުގައި މާލީ އެހީތެރިކަން ފޯރުކޮށްދެމުން އަންނަ އެމެރިކާއިން އިޒްރޭލުގެ ސިޔާސަތުތަކަށް ފާޑުކިޔައިފި އެވެ.
އިޒްރޭލުގެ ސިޔާސަތުތަކަށް ފާޑު ކިޔާފައިވަނީ އެމެރިކާގެ ފޮރިން ސެކެޓްރީ އެންތަނީ ބްލިންކެން އެވެ. އެގޮތުން އޭނާ މިއަދު ދެއްވި ނޫސްވެރިންނާއި ބައްދަލުކުރައްވައި ވިދާޅުވީ ފަލަސްތީނުން ބޭނުންވަނީ އެމީހުންގެ އަމިއްލަ ވަންތަކަމާއި އެމީހުންނަކީ ގައުމެއްގެ ގޮތުގައި ބަލައިގަތުން ކަމަށާއި އެކަން އިޒްރޭލުން ގަބޫލުކުރަން ޖެހޭ ކަމަށެވެ.
އިޒްރޭލުގެ ޑިމޮކްރަސީއާއި، ސަލާމަތާއި ރައްކާތެރިކަމަށް އެއްވެސް އަގަކާއި ނަތީޖާއެއް ނެތި، ޑި ފެކްޓޯ އެގްރިގޭޝަން ކުރިއަށް ގެންދެވިދާނެ ކަމަށް ދެކެވޭ ވާހަކަ ތައް އިޒްރޭލުން ދޫކޮށްލަން ޖެހޭ ކަމަށް އޭނާ ވިދާޅުވި އެވެ.
ބްލިންކެން އިތުރަށް ވިދާޅުވީ ފަލަސްތީނުގެ ދައުލަތް ހިންގުމަށް "ޓައިމް ބައުންޑް" ޝަރުތުތައް ގާއިމުކުރުމުން އެހެން ގައުމުތަކަށް ވެސް ޣައްޒާއަށް ސަލާމަތީ ބާރުތަކާއި މާލީ އެހީތެރިކަން ފޯރުކޮށްދިނުމުގެ ފުރުސަތު ލިބިގެންދާނެ ކަމަށެވެ.
ނިމެން ކައިރިވެފައިވާ ބައިޑެން ސަރުކާރުގެ އެންމެ އިސް ޑިޕްލޮމެޓް ކަމަށްވާ ބްލިންކެން ވަނީ ފަލަސްތީނުގެ ޓެކްސްތައް ހިފެހެއްޓުމާއި، ހިފާފައިވާ ހުޅަނގު އައްސޭރީގައި ގާނޫނާ ހިލާފަށް ބޭރުޕޯސްޓްތައް އިތުރުވުމާއި، ވަޒަންވެރިންގެ ހަމަނުޖެހުންތައް އިތުރުވެފައިވާތީ އިޒްރޭލަށް ވަރަށް ބޮޑަށް ފާޑުވިދާޅުވެފައެވެ.
މިފަދަ ފާޑުކިޔުންތަކާ އެކުވެސް ބައިޑަންގެ ސަރުކާރުން ވަނީ އިޒްރޭލަށް ރެކޯޑް އަދަދަކަށް އަސްކަރީ އެހީތެރިކަން ފޯރުކޮށްދީ، އިޒްރޭލު ސަރުކާރަށް އެމެރިކާގެ ފުރިހަމަ ތާއީދު އޮތްކަން ފާއިތުވި 2 އަހަރުގެ ތެރޭގައި ވަރަށް ފުޅާކޮށް ދުނިޔެއަށް ދައްކާލާފައި އެވެ.
ފަހުގެ
