--
މާލެއަށް ރޭ މެންދަމުން ފެށިގެން ވެހެމެންދުާ ވާރޭގައި މާލޭގެ ބޮޑު ސަރަހައްދެއްގައި ފެންބޮޑުވެ ފެން ހިންދުމުގެ މަސައްކަތުގައި ސިފައިން އަދިވެސް ދަނީ މަސައްކަތް ކުރަމުންނެވެ.
ސިފައިން އެންމެ ފަހުން ހާމަކުރި އަދާހަމަ މައުލޫމާތުގައި ބުނީ ފެން ހިންދުމަށް އެމްއެންޑީއެފް ފަޔަރ އެންޑް ރެސްކިޔު ސަރވިސްއިން، މާލޭގެ 7 ސަރަހައްދެއްގައި 17 ޕަންޕު ބަހައްޓައިގެން މަސައްކަތްކުރަމުންދާ ކަމަށާއި މި މަސައްކަތުގައި މިހާތަނަށް 18201 ޓަނުގެ ފެން ހިންދާފައިވާ ކަމަށެވެ.
އަދި މިހާރު ފެން ހިންދުމުގެ މަސައްކަތްކުރަމުންދާ ސަރަހައްދުތައް ވެސްޓްޕާކް، އައިޖީއެމްއެޗް ސަރަހައްދު، ވިލިމާލެ ފެރީ ޓާމިނަލް، ސަލްމާން މިސްކިތް ސަރަހައްދު، ބޮޑު ވަޅު، ދަރުބާރުގެ ސަރަހައްދު، ހަވީރީހިނގުން އަދި އެމްޕީއެލް ކައިރީގައި ކަމަށްވެސް އެމްއެންޑީއެފުން ބުނެއެވެ.
ސިފައިން އިތުރަށް ބުނީ އެމްއެންޑީއެފް މާލޭ އޭރިއާ ކޮމާންޑުން ކުރިއަށްގެންދާ އޮޕަރޭޝަންގައި މިހާތަނަށް 104 ގެއަކަށް އެހީތެރިކަން ފޯރުކޮށްދީ، 528 ވެލި ބަސްތާ ޖަހާދީފައިވާ ކަމަށެވެ.
ރާއްޖެއަށް މިހާރު ކުރަމުން އަންނަ ވިއްސާރާގައި މާލެއަށް ލިބެމުންދާ ގެއްލުންތަކާއި އެކު ރައްޔިތުންނަށް އެހީތެރިވުމަށް ސިފައިންނާއި ފުލުހުންގެ އިތުރުން އެންޑިއެމްއޭއާއި މާލެ ސިޓީ ކައުންސިލުން ދަނީ ހަރަކާތްތެރިވަމުންނެވެ. އެގޮތުން މާލޭގެ އެކި ސަރަހައްދުތަކުގައި ވެލި ބަސްތާތައް ޖެހުމުގެ މަސައްކަތް ކަމާބެހޭ ފަރާތްތަކުން ދަނީ ކުރަމުންނެވެ.
ފަހުގެ
