މާލޭގެ ގެއަކުން މަރުވެފައި އޮތް މީހަކު ފެނިއްޖެ: ޕޯސްޓްމޯޓަމް ހަދަނީ

މާލޭގެ ގެއެއްގެ ތެރޭގައި ނިޔާވެފައި އޮތްވާ ފެނުނު މީހެއްގެ ޕޯސްޓްމޯޓަމް ހެދުމަށް ފުލުހުން ނިންމައިފި އެވެ.

ފުލުހުން މިއަދު މީޑީއާތަކަށް ފޮނުވި މެސެޖެއްގައި ބުނީ މީހަކު ނިޔާވެގެން އައިޖީއެމް ހޮސްޕިޓަލަށް ގެންގޮސްފައިވާ ކަމުގެ މައުލޫމާތު މިއަދު 09:53 ހާއިރު ފުލުހުންނަށް ލިބިފައިވާ ކަމަށެވެ.

އެގޮތުން ނިޔާވެފައިވަނީ މާލެ މ ތަރިވިލާގެ އުމުރުން 41 އަހަރުގެ ހުސެއިން އަހުމަދު ކަމަށް ފުލުހުން ބުނެއެވެ. އަދި ނިޔާވެފައިވާ މީހާގެ ޕޯސްޓުމޯޓަމް ހެދުމަށް ނިންމާފައިވާކަމަށްވެސް ފުލުހުން ވަނީ ހާމަކޮށްފައެވެ.

މި މައްސަލަ އިތުރަށް ތަހުގީގުކުރަމުންދާކަން ހާމަކުރި ނަމަވެސް މި މަރާއި ގުޅިގެން ފުލުހުން އިތުރު ތަފްސީލެއް ހާމައެއް ނުކުރެއެވެ.

މައުލޫމާތު ލިބިފައިވާ ގޮތުގައި ހުސެއިން އަހުމަދު މަރުވެފައި އޮތްފާ ފެނުނީ އޭނާ ދިރިއުޅޭ ގެއިންނެވެ.