ދަރަނބޫދޫގައި ފުލުހުންގެ ވޯކް އެންޑް ޓޯކް ހަރަކާތް ކުރިއަށް ގެންގޮސްފި

ކުށްމަދު އަމާން މުޖުތަމައުއެއް ގާއިމްކޮށް ރައްޔިތުންނަކީ ހޭލުންތެރިވެފައިވާ ބަޔަކަށް ހެދުމަށްޓަކައި ފުލުހުން ކުރަމުންދާ މަސައްކަތްތަކުގެ ތެރެއިން ފ. ދަރަނބޫދޫ ޕޮލިސް ޕޯސްޓުން އެރަށުގައި ވޯކް އެންޑް ޓޯކް ހަރަކާތެއް ކުރިއަށް ގެންގޮސްފިއެވެ.

މި ޖަނަވަރީ މަހުގެ 6 ވަނަ ދުވަހު ކުރިއަށް ގެންދިޔަ މި ހަރަކާތުގައި ފުލުހުން ވަނީ އެރަށުގައި ވިޔަފާރިކުރާ ފަރާތްތަކާއި ދަނޑުވެރިންނާއި އަދި އާންމު ރައްޔިތުންނާ ބައްދަލުކޮށް، ކުށްމަދުކުރުމާއި ކުށްތަކުން ރައްކާތެރިވުމަށް ކުރެވިދާނެ ކަންކަމާ ގުޅޭގޮތުން މައުލޫމާތު ދީފައެވެ.

އެގޮތުން، ވިޔަފާރީގެ މުއާމަލާތްތައް ކުރުމުގައި ސަމާލުކަންދޭންވީ ކަންކަމާއި ދަނޑުވެރިންގެ ހުރި ކަންބޮޑުވުންތަކާއި އިންޓަރނެޓް މެދުވެރިކޮށް ހިންގާ ކުށްތަކުން ރައްކާތެރިވުމަށް ކުރެވިދާނެ ކަންކަމާ ގުޅޭގޮތުން މައުލޫމާތު ދީފައިވެއެވެ.

ރައްޔިތުން ހޭލުންތެރިކުރުމުގެ ގޮތުން ރަށްރަށުގައި މަސައްކަތްކުރާ ފުލުހުން ދަނީ ސިލްސިލާކޮށް މިފަދަ ޕްރޮގްރާމްތައް ހިންގަމުންނެވެ.