ރ އަތޮޅަށް ރީނދޫ ސަމާލު ނެރެފި

މޫސުންގޯސްވާނެ ކަމަށް ލަފާކޮށް ރާއްޖޭގެ އުތުރުން ރ އަތޮޅަށް ރީނދޫ ސަމާލު ނެރެފި އެވެ.

މޫސުމާއި ބެހޭ ގައުމީ އިދާރާއިން ރ އަތޮޅަށް ރީނދޫ ސަމާލު ނެރެފައިވަނީ މިރޭގެ 19:15 އިން ފެށިގެން 23:00 ގެ ނިޔަލަށެވެ.

އެގޮތުން އެއިދާރާއިން ވަނީ ރ އަތޮޅަށް ބޯކޮށް ވާރޭވެހި ގުގުރުމުގެ އިތުރުން ވިލާގަނޑުގައި 25 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާކޮށްފައެވެ.

ރ އަތޮޅަށް ރީނދޫ ސަމާލު ނެރުނު އިރު މޫސުމާއި ބެހޭ ގައުމީ އިދާރާއިން މިއަދުގެ 18:30 އިން 00:30 އަށް ބޯކޮށް ވާރޭވެހުމާއި އެކު ގުގުރާނެ ކަމަށް ލަފާކޮށް ށ އަތޮޅުން ފެށިގެން ޅ އަތޮޅާއި ހަމައަށް ހުދު ސަމާލު ވެސް ވަނީ ނެރެފައި އެވެ.