--
އިއްޔެ ވެރިރަށް މާލެއަށް ކުރި ވިއްސާރާގައި މުޅި މާލޭގައި ކަހަލަ ގޮތަކަށް ބޮޑުވި ފެންގަނޑު ހިންދާލައިފި އެވެ.
ސިފައިން ބުނީ އެމްއެންޑީއެފުން މާލޭ ސިޓީގެ މަގުތަކުން ފެން ހިންދުމަށް އިއްޔެ 11:37 ހާއިރުން ފެށިގެން ކުރަމުން ދިޔަ މަސައްކަތުން މިއަދު 08:30 ހާއިރު ވަނީ މަގުތައް އާންމު ހާލަތަށް ގެނެވިފައި ކަމަށެވެ.
އެގޮތުން މި އޮޕަރޭޝަންގައި 30569 ޓަނުގެ ފެން ވަނީ ހިންދާފައި ކަމަށް ސިފައިން ވަނީ ބުނެފައި އެވެ.
އިއްޔެގެ ހެނދުނު 08:00 އިން މިއަދުގެ 08:00 އާއި ދެމެދު ރާއްޖެއަށް ވާރޭވެހުނު ގޮތުގެ ތަފާސްހިސާބުތައް މިހާރު މޫސުމާއި ބެހޭ ގައުމީ އިދާރާއިން އާންމުކޮށްފައިވާއިރު އިއްޔެ އެންމެ ބޯކޮށް ވާރޭވެހުނު ކަމަށް ރެކޯޑް ކުރެވިފައިވަނީ ހުޅުލެއަށެވެ. އެގޮތުން ހުޅުލެއަށް 144 މިލިމީޓަރުގެ ވާރޭ ވެހުނު ކަމަށް ރެކޯޑްކުރެވިފައިވާއިރު ދެވަނައަށް އެންމެ ބޯކޮށް ވާރޭވެހުނު ކަމަށް ރެކޯޑު ކުރެވިފައިވަނީ މާލެއަށެވެ. އެގޮތުން މާލެއަށް 142.6 މިލިމީޓަރުގެ ވާރޭވެހުނު ކަމަށް ރެކޯޑުތައް ދައްކައެވެ.
މީގެ އިތުރުން އިއްޔެ ހުޅުމާލެއަށް 122.5 މިލިމީޓަރުގެ ވާރޭވެހުނު ކަމަށް ރެކޯޑުތައް ދައްކައެވެ. މިއާއި އެކު އިއްޔެ މާލެ ސަރަހައްދަށް މުޅި ޖުމްލަ 409 މިލިމީޓަރަށްވުރެ ގިނަ ވާރޭވެހިފައިވެއެވެ.
.webp&w=3840&q=75)
ފަހުގެ
