އެމްޑީޕީގެ ޤައުމީ މަޖިލީހުގެ ހުސްވެފައިވާ މަޤާމްތަކަށް ކުރިމަތިލުމުގެ ފުރުޞަތު ހުޅުވާލައިފި

އިދިކޮޅު އެމްޑީޕީގެ ޤައުމީ މަޖިލީހުގެ ހުސްވެފައިވާ މަޤާމްތަކަށް ކުރިމަތިލުމުގެ ފުރުޞަތު ހުޅުވާލައިފި އެވެ.

އެމްޑީޕީން ފުރުސަތު ހުޅުވާލާފައިވަނީ އެޕާޓީގެ ގައުމީ މަގިލީހުގެ ހުސްވެފައިވަނީ ހއ. ހޯރަފުށީ ދާއިރާގެ ރައީސް އާއި ރ. އިނގުރައިދޫ ދާއިރާގެ ރައީސް އަދި ގއ. ވިލިނގިލި ދާއިރާގެ ރައީސް ކަމަށް ކުރިމަތިލުމަށެވެ.

އެޕާޓީން މިއަދު ކުރި އިއުލާނެއްގައި ބުނީ މި މަގާމުތަކަށް ކުރިމަތި ލުމުގެ ފުރުސަތު ހުޅުވާލާފައިވަނީ 1 ޖަނަވަރީ 2025 އާއި ހަމައަށް އެޕާޓީގެ މެންބަރެއްގެ ގޮތުގައި އިލެކްޝަން ކޮމިޝަނުގައި ދަފްތަރުވެފައިވާ ފަރާތްތަކަށާއި ވޭތުވެދިޔަ 5 އަހަރު ތެރޭގައި އެޕާޓީގެ އަސާސީ ޤަވާއިދާއި ހިލާފުވެފަނުވާ މެންބަރުންނަށް ކަމަށެވެ.

އެގޮތުން އިންތިޚާބަށް ކުރިމަތިލުމަށް އެދޭ ފޯމް 06 ޖަނަވަރީ 2025 ވާ ހޯމަ ދުވަހުގެ 14:00ގެ ކުރިން ހުށައެޅުއްވުމަށް އެޕާޓީން އެދެއެވެ.