މީގެ ކުރީން ރާއްޖޭގައި ބޭއްވި އެއާޝޯއެއް- ފޮޓޯ | މޯލްޑިވިއަން
ގައުމީ އެއާލައިން, މޯލްޑިވިއަންގެ އެއާޝޯއެއް އަންނަ މަހުގެ 6 ވަނަ ދުވަހު މާލެ ސަރަހައްދުގައި ބޭއްވުމަށް ތައްޔާރުވެއްޖެ އެވެ.
މޯލްޑިވިއަންއިން ބުނީ މި އެއާޝޯއަކީ މޯލްޑިވިއަންގެ ފްލީޓަށް އަލަށް ގެންނަ އެއާބަސް އޭ330 މަރުކާގެ ބޮޑު މަތިންދާ ބޯޓަށް މަރުހަބާ ކިއުމުގެ ގޮތުން ކުރިޔަށްގެންދިޔުމަށް ހަމަޖެހިފައިވާ ހަަރަކާތެއް ކަމަށެވެ.
އެގޮތުން މި އެއާޝޯކުރިޔަށްދާނީ މާލެ އުސްފަސްގަނޑު ސަރަހައްދާއި، ހުޅުމާލެ ފޭސް އެކެއް އަދި ފޭސް 2ގެ އިރުމަތީ ފަރާތު ބީޗު ސަރަހައްދުގައި އަންނަ ޖެނުއަރީ މަހުގެ 6 ވަނަ ދުވަހުގެ ހަވީރު 17:00 ގައެވެ. އެގޮތުން ޖުމުލަ 30 މިނިޓަށް މި ޝޯ ކުރިޔަށްދާނެ އެވެ.
މިފަދަ އެއާޝޯއެއް ރާއްޖޭގައި އެންމެ ފަހުން ބޭއްވީ ކުރީގެ ރައީސް ޔާމީން އަބްދުލްގައްޔޫމްގެ ވެރިކަމުގައި ވީއައިއޭގައި ތަރައްޤީކުރި ކޯޑް އެފް ރަންވޭ ރަސްމީކޮށް ހުޅުވުމުގެ ގޮތުންނެވެ.
އައު ބޯޓާއި އެކު ގައުމީ އެއާލައިން, މޯލްޑިވިއަންއިން ވަނީ އަންނަ މަހުގެ ތެރޭގައި ޗައިނާގެ ވެރިރަށް ބެއިޖިންއާއި ޝަންހާއީ، ޗެންގްޑޫ އަދި ޒިއާންއަށް އާ ސީދާ ދަތުރުތައް ފެށުމަށް އެއާލައިނުން ތައްޔާރުވެފައިވާކަންވެސް ހާމަކޮށްފައެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދުފުޅާ އެއްގޮތަށް މޯލްޑިވިއަން އިން ވައިޑްބޮޑީ އެއާކްރާފްޓެއް ގެންނަށް އެއްބަސްވުމުގައި ސޮއިކުރީ މިއަހަރުގެ ޖުލައި މަހުގެ 26 ވަނަ ދުވަހު އެވެ. މޯލްޑިވިއަން އަށް އެއާބަސް A330-200 މަރުކާގެ ބޯޓެެއް ގެނައުމަށް ހަވާލުކޮށްފައިވަނީ, އެއާލައިންތަކަށް މަތިންދާބޯޓު ފޯރުކޮށްދޭ ކުންފުންޏެއް ކަމަށްވާ ޓްރޫނޯޑްއާ އެވެ.
ރާއްޖެ ގެނައުމަށް ހަމަޖެހިފައިވަނީ އެއާބަސް A330-200 މަރުކާގެ މަތިންދާބޯޓުތަކެކެވެ. މި ބޯޓު 13000 ކިލޯ މީޓަރު ދުރަށް އެއްވެސް އެއާޕޯޓެއްގައި ނުޖައްސާ ޑައިރެކްޓުކޮށް ދަތުރުކުރެވޭނެ އެވެ. މިއީ ނެރޯ-ބޮޑީ މަތިންދާބޯޓު ދަތުރުކުރާ ރާސްތާއާ އަޅާބަލާއިރު 3 ގުނަ އިތުރު ދުރުމިނެކެވެ.
ފަހުގެ
