--
ހިދުމަތް ފުޅާކޮށް ޔޫރަޕާއި ޗައިނާގެ އެކި ސަރަހައްދުތަށް ހިމެނޭހެން އިތުރު މަންޒިލްތަކަށްސީދާ ދަތުރުތައް ފެށުމަށް ރާއްޖޭގެ ގައުމީ އެއާލައިނުން ގެންނަ ވައިޑް ބޮޑީ އެއާކްރާފްޓު އަންނަ މަހު ކުރީ ކޮޅު ރާއްޖެ އަންނާނެ ކަމަށް މޯލްޑިވިއަންއިން ބުނެފި އެވެ.
ގައުމީ އެއާލައިންއިން ވައިޑް ބޯޑީ އެއާކްރާފްޓަކަށް ހޯދާފައިވަނީ އެއާބަސްގެ އޭ330 ގެ ބޯޓެކެވެ.
މި ބޯޓު ގެނައުމާއި ގުޅޭ އެންމެ ފަހުގެ މައުލޫމާތު ހިއްސާކުރަމުން ރޭ ދައުލަތުގެ މީޑިއާއިން ގެނެސްދިން ރާއްޖެ މިއަދު ޕްރޮގްރާމުގައި މޯލްޑިވިއަންގެ ސީނިއާ މެނޭޖަރ ޓެކްނިކަލް ސްޓްރެޓެޖީ، އިސްމާޢީލް އާޠިފް މުޙައްމަދު ވިދާޅުވީ އެބޯޓު މިހާރު އޮތީ ސިންގަޕޫރުގައި ކަމަށާއި މިހާރު ކުރިޔަށްދަނީ ބޯޓުގެ ޕެއިންޓް މަސައްކަތް ކަމަށެވެ. މި ބޯޓު ގަނެފައިވަނީ ލިތުއޭނިއާއިން ކަން ފާހަގަކުރައްވައި އާތިފް ވިދާޅުވީ އެކަމަށް ލިތުއޭނިއާއަށް މޯލްޑިވިއަންގެ ޚާއްސަ ޓީމެއް ގޮސް އިންސްޕްކްޝަނެއް ކުރިޔަށް ގެންގޮސްފައިވާ ކަމަށެވެ.
މި ބޯޓު ރާއްޖެ ގެނައުމުގެ ކަންކަމުގައި ހަރަކާތްތެރިވަމުންދަނީ އެކުންފުނީގެ ދިވެހި ފަންނަނީ މުވައްޒަފުންކަން ފާހަގަކުރައްވައި ޑެޕިއުޓީ މެނޭޖިންގ ޑިރެކްޓަރ ޢަލީ ސަލީމް ވިދާޅުވީ، މިބޯޓު ރާއްޖެ ގެނައުމަށް ޤައުމީ އެއަރލައިންގެ މުވައްޒަފުން ބުރަ މަސައްކަތްތަކެއް ކުރަމުން ގެންދާކަމަށާއި އެ މަސައްކަތުގައި ބޭރު ބައެއްގެ އެހީތެރިކަމެއް ހޯދާފައިނުވާކަމަށެވެ.
ސަލީވް ވިދާޅުވީ ބޯޓު އޮޕަރޭޝަނަށް ގެންނަން ކުރަންޖެހޭ ކަންކަން ކުރުމަށްފަހު އަންނަ މަހުގެ 6 ވަނަ ދުވަހު ރާއްޖެ ގެނައުމަށް މަސައްކަތް ކުރަމުންދާ ކަމަށެވެ. އެގޮތުން ބޯޓު ގެނެވުނުހާ އަވަހަކަށް އިތުރު މަންޒިލްތަކަށް ރަސްމީކޮށް ދަތުރުފެށިގެންދާނެ ކަން ސަލީމް ފާހަގަކުރެއްވި އެވެ. އަދި ބޯޓު ރާއްޖެ ގެނައުން ފާހަގަކުރުމަށް ޚާއްސަ ހަރަކާތެއް ކުރިޔަށް ގެންދިޔުމަށް ނިންމާފައިވާކަންވެސް ވަނީ ފާހަގަކުރައްވާފައި އެވެ.
ގައުމީ އެއާލައިން, މޯލްޑިވިއަންއިން ވަނީ އަންނަ މަހުގެ ތެރޭގައި ޗައިނާގެ ވެރިރަށް ބެއިޖިންއާއި ޝަންހާއީ، ޗެންގްޑޫ އަދި ޒިއާންއަށް އާ ސީދާ ދަތުރުތައް ފެށުމަށް އެއާލައިނުން ތައްޔާރުވެފައިވާކަންވެސް ހާމަކޮށްފައެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދުފުޅާ އެއްގޮތަށް މޯލްޑިވިއަން އިން ވައިޑްބޮޑީ އެއާކްރާފްޓެއް ގެންނަށް އެއްބަސްވުމުގައި ސޮއިކުރީ މިއަހަރުގެ ޖުލައި މަހުގެ 26 ވަނަ ދުވަހު އެވެ. މޯލްޑިވިއަން އަށް އެއާބަސް A330-200 މަރުކާގެ ބޯޓެެއް ގެނައުމަށް ހަވާލުކޮށްފައިވަނީ, އެއާލައިންތަކަށް މަތިންދާބޯޓު ފޯރުކޮށްދޭ ކުންފުންޏެއް ކަމަށްވާ ޓްރޫނޯޑްއާ އެވެ.
ރާއްޖެ ގެނައުމަށް ހަމަޖެހިފައިވަނީ އެއާބަސް A330-200 މަރުކާގެ މަތިންދާބޯޓުތަކެކެވެ. މި ބޯޓު 13000 ކިލޯ މީޓަރު ދުރަށް އެއްވެސް އެއާޕޯޓެއްގައި ނުޖައްސާ ޑައިރެކްޓުކޮށް ދަތުރުކުރެވޭނެ އެވެ. މިއީ ނެރޯ-ބޮޑީ މަތިންދާބޯޓު ދަތުރުކުރާ ރާސްތާއާ އަޅާބަލާއިރު 3 ގުނަ އިތުރު ދުރުމިނެކެވެ.
ފަހުގެ
