--
ޖަރުމަނުގެ ޗާންސެލަރު އޮލަފް ޝޮލްޒްގެ ސަރުކާރު ދާދި ފަހުން ވެއްޓުމާ ގުޅިގެން އަވަސް އިންތިޚާބެއް އަންނަ ފެބްރުއަރީ މަހުގެ 23 ވަނަ ދުވަހު ބާއްވާނެކަން ކަށަވަރުކޮށްދެއްވަމުން ޖަރުމަނުގެ ރައީސް ފްރޭންކް ވޯލްޓާ ސްޓެއިންމަޔަރ އެގައުމުގެ ގާނޫނު ހަދާ މަޖިލީސް އުވާލައްވައިފިއެވެ.
ހުކުރު ދުވަހު ބާލިންގެ ބެލެވިއު ޕެލަސްގައި ތަގުރީރު ކުރައްވަމުން ސްޓެއިންމަޔަރ ވިދާޅުވީ ދަތި ދަނޑިވަޅުގައި ހަމަޖެހުން ދެމެހެއްޓުމަށް ޓަކައި އެ ގައުމަށް ބޭނުންވަނީ "މަސައްކަތް ކުރުމުގެ ގާބިލް ސަރުކާރެއް" އަދި "ޕާލަމެންޓުގައި އިތުބާރު ކުރެވޭ މެޖޯރިޓީތަކެއް" ކަމަށެވެ.
އެގައުމުގެ ސޯޝަލް ޑިމޮކްރެޓިކް ޕާޓީއަށް ނިސްބަތްވާ ޝޮލްޒްގެ ސަރުކާރު ވެއްޓުނީ ގާނުނު ހަދާ މަޖިލީހުގައު ނެގި އިތުބާރު ނެތްކަމުގެ ވޯޓެއްގައި އެވެ.
ރައީސް ސްޓެއިންމަޔަރ ދެއްވި ތަގުރީރުގައި ވަނީ މިހާރު އެގައުމު އޮތް އަނދަވަޅުން ނަގައި ހުރި ބޮޑެތި މައްސަލަތައް ހައްލުކުރުމަކީ އަނެއްކާވެސް ސިޔާސީ ފަރާތްތަކުގެ މައިގަނޑު ފޯކަސްއަކަށް ވާންޖެހޭކަން ފާހަގަކުރައްވާފައެވެ.
އިތުބާރު ނެތް ކަމުގެ ވޯޓުން ޗާންސެލަރު އޮލަފް ޝޮލްޒް ބަލިވި ނަމަވެސް އެގައުމުގެ އައު ޗާންސެލަރަކު އައްޔަނުކުރަންދެން އޭނާ ހުންނާނީ އެކްޓިންގ ޗާންސެލަރުގެ ގޮތުގައި އެވެ.
.png&w=3840&q=75)
ފަހުގެ
