--
ވެމްކޯ އިން މިއަހަރު ފެށި "ހޮބާ" ހިދުމަތް ދިނުމަށް ސިފައިންގެ ވެލްފެއާ ކުންފުނި, ސިފްކޯއާއި އެކު ސޮއިކޮށްފި އެވެ.
މިއަދު އޮތް ޚާއްސަ ރަސްމިއްޔާތެއްގައި ސިފްކޯއާއިއެކު ހޮބާގެ ހިދުމަތް ދިނުމަށް ވެމްކޯގެ ފަރާތުން ސޮއިކުރެއްވީ އެކުންފުނީގެ ޑީއެމްޑީ އިބްރާހިމް ޝަހީދު އެވެ. އަދި ސިފްކޯގެ ފަރާތުން ސޮއިކުރެއްވީ އެކުންފުނީގެ ސީއީއޯ ލެފްޓިނެންޓު ކާނަލް ހައްވާ ޝެނީން އެވެ.
ވެމްކޯއިން ބުނީ މި އެއްބަސްބުމުގެ ދަށުން ހުޅުމާލެ ފޭސް 1 ގައި މިއަހަރުގެ ހުޅުވައި މިހާރު ސިފައިންގެ އާއިލާއަށް ދިރިއުޅެމުން އަންނަ ސިފްކޯހިޔާ ފުލެޓްތަށް ފޮޅައި ސާފުކުރުމުގެ ޚިދުމަތް ފޯރުކޮށްދޭނެ ކަމަށެވެ.
ހޮބާ ހިދުމަތަކީ ވެމްކޯއިން ދެމުންދާ ހިދުމަތްތައް ފުޅާކުރުމަށްޓަކައި ސަރުކާރުގެ އޮފީސްތަކާއި އަމިއްލަ ވިޔަފާރިތަކަށްވެސް ޚާއްސަކޮށްގެން އެކުންފުނިތަކުގެ އޮފީސްތަކާއި އިމާރާތްތައް ފޮޅާ ސާފުކުރުމަށްޓަކައި ފެށި ހިދުމަތެކެވެ.
ހޮބާގެ ނަމުގައި ވެމްކޯއިން ހިދުމަތްދޭން ފެށީ މިދިޔަ މަހުގެ ތެރޭގައި އެވެ. އެގޮތުން މި ހިދުމަތް މިހާރުވެސް ވެމްކޯއިން ދަނީ 10 އަށްވުރެ ގިނަ ކުންފުންޏަށް ދެމުންނެވެ.
ފަހުގެ
