ަިފަސޭހަކަމާއެކު އެޗްބީސީ އެކަޑަމީ ބަލިކޮށް އެޕެކްސް އިން ފައިނަލުގެ ޖާގައެއް ކަށަވަރުކޮށްފި

ތިނަދޫ ސިޓީގައި މިހާރު ކުރިއަށްދާ ގދ. އަތޮޅު ކައުންސިލް ބެޑްމިންޓަން މުބާރާތުގައި މިއަދު ހެނދުނު ހުވަދޫ ބެޑްމިންޓަން ކުލަބު އެކަޑަމީ (އެޗުބީސީ އެކަޑެމީ) އާއި ޓީމު އެޕެކްސް ވާދަކުރި މެޗު ފަސޭހަކަމާއެކު ސީދާ ފަސް ގޭމުން ކާމިޔާބުކޮށް ބާކީ އެއްމެޗު އޮއްވައި އެޕެކްސް އިން މުބާރާތުގެ ފައިނަލުގެ ޖާގައެއް ކަށަވަރުކޮށްފިއެވެ.

މެންސް ސިންގަލް ގޭމުގައި އަހުމަދު މާޒު (އެޗުބީސީ އެކަޑެމީ) އާއި މުހައްމަދު ނިޒާރު (ޓީމު އެޕެކްސް) ވާދަކޮށް 2-0 ގެ ނަތީޖާއަކުން ކާމިޔާބުކުރީ ނިޒާރު އެވެ. މިގޭމުގައި މިޒާރު ފުރަތަމަ ސެޓް 4-21 ގެ ނަތީޖާއަކުން ކާމިޔާބުކުރިއިރު، ދެވަނަ ސެޓް ކާމިޔާބުކުރީ 14-21 ގެ ނަތީޖާއަކުންނެވެ.

ވުމެންސް ސިންގަލް ގޭމުގައި އައިޝަތު އުލްޔާ (އެޗުބީސީ އެކަޑެމީ) އާއި އާސިމާ މުހައްމަދު (ޓީމު އެޕެކްސް) ވާދަކޮށް 2-0 ގެ ނަތީޖާއަކުން ކާމިޔާބުކުރީ އާސިމާ އެވެ. މިގޭމުގައި އާސިމާ ފުރަތަމަ ސެޓް 2-21 ގެ ނަތީޖާއަކުން ކާމިޔާބުކުރިއިރު، ދެވަނަ ސެޓް ކާމިޔާބުކުރީ 5-21 ގެ ނަތީޖާއަކުންނެވެ.

މެންސް ޑަބަލްސް ގޭމުގައި އެޗުބީސީ އެކަޑެމީގެ އަހުމަދު ނަހުޒާމް އަދި މުހައްމަދު މާއިން އާއި ޓީމު އެޕެކްސްގެ އަޖޭދަންކަރު އަދި އާދަމް ހަސަން ވާދަކޮށް 2-0 ގެ ނަތީޖާއަކުން ކާމިޔާބުކުރީ ޓީމު އެޕެކްސްގެ ޕެއާ އެވެ. މިގޭމުގައި ފުރަތަމަ ސެޓް 5-21 ގެ ނަތީޖާއަކުން ޓީމު އެޕެކްސް ކާމިޔާބުކުރިއިރު ދެވަނަ ސެޓް އެޓީމުން ކާމިޔާބުކުރީ 4-21 ގެ ނަތީޖާއަކުން ނެވެ.

ވުމެންސް ޑަބަލްސް ގޭމުގައި އެޗުބީސީ އެކަޑެމީގެ ފާތިމަތު ޔާނާ އަދި އައިޝަތު އުލްޔާ އާއި ޓީމު އެޕެކްސްގެ އާސިމާ މުހައްމަދު އަދި އައިކާ ޚަލީލް ވާދަކޮށް 2-0 ގެ ނަތީޖާއަކުން ކާމިޔާބުކުރީ ޓީމު އެޕެކްސްގެ ޕެއާ އެވެ. މިގޭމުގައި ފުރަތަމަ ސެޓް 0-21 ގެ ނަތީޖާއަކުން ޓީމު އެޕެކްސް ކާމިޔާބުކުރިއިރު ދެވަނަ ސެޓް އެޓީމުން ކާމިޔާބުކުރީ 10-21 ގެ ނަތީޖާއަކުން ނެވެ.

މިކްްސް ޑަބަލްސް ގޭމުގައި އެޗުބީސީ އެކަޑެމީގެ އަހުމަދު މާޒު އަދި ފާތުމަތު ޔަނާ އާއި ޓީމު އެޕެކްސްގެ ނަތިޖް އަލީ އަދި އައިކާ ޚަލީލް ވާދަކޮށް 2-0 ގެ ނަތީޖާއަކުން ކާމިޔާބުކުރީ ޓީމު އެޕެކްސްގެ ޕެއާ އެވެ. މިގޭމުގައި ފުރަތަމަ ސެޓް 6-21 ގެ ނަތީޖާއަކުން ހަވަރު ސްޕޯޓްސް ކުލަބު ކާމިޔާބުކުރިއިރު ދެވަނަ ސެޓް އެޓީމުން ކާމިޔާބުކުރީ 9-21 ގެ ނަތީޖާއަކުން ނެވެ.

ޑިސެންބަރު 20 އިން 21 އަށް ކުރިއަށް ގެންދިއުމަށް ހަމަޖެހިފައިވާ މިމުބާރާތުގައި ޖުމްލަ ހަތަރު ޓީމަކުން ބައިވެރިވެފައިވާއިރު، މުބާރާތް ކުރިއަށް ގެންދިއުމަށް ހަމަޖެހިފައިވަނީ ބައިވެރިވި ހަތަރު ޓީމުގެ މެދުގައި ލީގު އުސޫލުން ކޮންމެ ޓީމެއް ކޮންމެ ޓީމަކާއި އެއްމެޗު ކުޅެ އެންމެ ރަނގަޅު ނަތީޖާއެއް ހޯދާ ދެޓީމު ފައިނަލަށް ހޮވޭގޮތަށެވެ.

މީގެ އިތުރުން މިމުބާރާތުގެ ޗެމްޕިއަން ޓީމަށް 25،000 އަދި ރަނަރަޕް ޓީމަށް 15,000 ރުފިޔާގެ ފައިސާގެ އިނާމެއް ކަޑައަޅާފައިވާއިރު، މުބާރާތުގައި ބައިވެރިވެފައިވާ ހަތަރު ޓީމުންކުރެ ކޮންމެ ޓީމަކަށް 2000 ރުފިޔާގެ ފައިސާގެ އިނާމެއް ދިނުމަށް ހުވަދޫ ބެޑްމިންޓަން ކުލަބުން ވަނީ ނިންމާފައެވެ.

މިމުބާރާތުގެ ޑިޖިޓަލް ޕާޓްނަރަކަށް އުރިދޫ މޯލްޑިވްސް ހަމަޖައްސާފައިވާއިރު، ބޭންކިންގް ޕާޓްނަރަކީ ބޭންކް އޮފް މޯލްޑިވްސް އެވެ. އަދި މެޑިކަލް ޕާޓްނަރަކަށް އަބްދުއްސަމަދު މެމޯރިއަލް ހޮސްޕިޓަލް ހަމަޖައްސާފައިވާއިރު، ބޭވަރެޖް ޕާޓްބަރުންނަކީ ހަތްތަރި ކެފޭ އަދި ޒިމަމަން ރެސްޓޯރެންޓެވެ. މީގެ އިތުރުން މުބާރާތުގެ ޓަރަވަލް ޕާޓްނާއަކަށް ވިލާ އެއަރ ހަމަޖައްސާފައިވާއިރު، މިމުބާރާތުގެ މީޑިއާ ޕާޓްނަރަކީ ގާފު ސްޕޯޓްސް އެވެ.