އިޖުތިމާއީ ގޮތުން މުޖުތަމައު ބާރުވެރިކުރުމުގެ ވޯކްޝޮޕެއް ދަރަވަންދޫގައި ކުރިޔަށް ގެންގޮސްފި

އިޖުތިމާއީ ގޮތުން މުޖުތަމައު ބާރުވެރި ކުރުމުވުމުގެ ގޮތުން ޔޫތު މިނިސްޓްރީން ބ. ދަރަވަންދޫގައި ވޯކްޝޮޕެއް ބާއްވައިފިއެވެ.

މި މަހު 10 އިން 13އަށް ކުރިއަށްގެންދިޔަ މި ވޯކްޝޮޕަކީ ދަރަވަންދޫގެ މަދަނީ ޖަމްއިއްޔާތަކާއި، ކައުންސިލް، ޑަބްލިޔުޑީސީ އަދި އެކިއެކި މުއައްސަސާތަކަށް އަމާޒުކޮށް ފެށި ވޯކްޝޮޕެކެވެ.

މި ވޯކްޝޮޕްގައި 40 މީހަކު ބައިވެރިވެފައިވާއިރު މި ވޯކްޝޮޕް 23 މީހަކު ވަނީ ފުރިހަމަކޮށްފައެވެ.

މި ޕްރޮގްރާމަކީ އިޖްތިމާއީ ގޮތުން މުޖުތަމައު ބާރުވެރި ކުރުވުމުގެ ގޮތުން މަދަނީ ޖަމްއިއްޔާތަކުން ރަށްފެންވަރުގައި ކުރިއަށް ގެންދާ ޕްރޮގްރާމްތަކާއި ހަރަކާތްތައް ކުރިއަށް ގެންދިއުމުގައި ޖަމްއިއްޔާތަކުގެ އިދާރީ ހިންގުން ހަރުދަނާ ކުރުމާއި، މަދަނީ ޖަމްއިއްޔާތަކުގެ ގަވާއިދާއި ގާނޫނަށް އަހުލުވެރިކުރުމާއި، މުޖުތަމައު އެއްބައްވަންތަ ކުރުމާއި ގުޅޭގޮތުން ކުރިއަށް ގެންދާ ޕްރޮގުރާމެކެވެ.