މާލޭގެ މަގުތަކުގައި ހިނގާމިހުނާއި ދުއްވާތަކެއްޗަށް އުނދަގޫވާގޮތަށް އެއްޗެތި ނުބެހެއްޓުމަށް އިލްތިމާސްކޮށްފި

މާލެ ސިޓީގެ މަގުތައް ބޭނުންކުރާ މީހުންނަށާއި ދުއްވާ އުޅަނދުފަހަރަށް ދަތިވާގޮތަށް، މާލެ ސިޓީގެ މަގުތަކާއި ގޯޅިތަކުގައި، ޕެލަޓާއި އަދި އެ ނޫން ވެސް ބާ ސާމާނާއި ކުންޏާއި، ކުނިވާ ބާވަތުގެ ތަކެތި ބަހައްޓަމުންދާކަން ފާހަގަ ކުރެވިގެން، އެ ކަން އެ ގޮތަށް ނުކުރުމަށް، މާސިޓީ ކައުންސިލުން އިލްތިމާސްކޮށްފިއެވެ.

16 ޑިސެމްބަރ 2024 ގައި، މާލެ ސިޓީ ކައުންސިލުން ނެރުނު ބަޔާނެއްގައި ވަނީ، 22 ޑިސެމްބަރ 2024 ވަނަ ދުވަހުގެ 18.00 ގެ ކުރިން، މާލެ ސިޓީގެ މަގުތަކާއި ގޯޅި ތަކުގައި ބަހައްޓާފަ ހުރި، ޕެލެޓާއި ބާ ތަކެއްޗާއި އަދި އެ ނޫން ވެސް ތަކެތި ނެގުމަށް އަންގާފައެވެ.

މި މުއްދަތު ހަމަވާއިރު ނު ނަގައި ހުރި ތަކެތި، މާލެ ސިޓީ ކައުންސިލުން ނަގާނެ ކަމާއި އަދި އެ މުއްދަތު ހަމަވާއިރު ނުނަގާ ހުރި ތަކެތި ބެހެއްޓި ފަރާތްތައް ހޯދައި ފިޔަވަޅު އަޅާނެކަން އެ ބަޔާނުގައި ވެއެވެ.

މާލެ ސިޓީއަކީ ރާއްޖޭގެ އެންމެ ގިނަ ބަޔަކު ދިރިއުޅެމުން އަންނަ އަދި އެންމެ ގިނަ އެއްގަމު އުޅަނދު ދުއްވާ ސިޓީއަށް ވުމުން، މަގު މަތީގައި ޕެލެޓާއި ކުންންޏާއި އަދި އެ ނޫންވެ ވެސް މި ފަދަ ތަކެތި ބެހެއްޓުމުން، ހިނގާބިގާވެ އުޅޭ މީހުންނާއި ދުއްވާ އެއްޗިއްސަށް ދަތިވާތީ، މާލެ ސިޓީގައި ދިރިއުޅޭ މީހުން، އަބަދު ވެސް ޝަކުވާ ކުރަމުންދެއެވެ. މާލެ ސިޓީގެ މޭޔަރުކަމާ، މިހާރުގެ މޭޔަރ އާދަމް ޢާޒިމް ހަވާލުވެ ވަޑައިގެންނެވި ފަހުން، މާލެ ސިޓީއަށް ކުރިމަތިވެފައިވާ، މި ފަދަ ގިނަ މައްސަލަތައް ޙައްލުކޮށް، މާލެ ސިޓީއަކީ އަމާން ސާފު ރައްކާތެރި ސިޓީއަކަށް ހެއްދެވުމަށް ގިނަ މަސައްކަތްތަކެއް ކުރައްވަމުން ގެންދަވާކަން ފާހަގަ ކުރެވެއެވެ.