“ހާލު ކިހިނެއް؟” ޕްރޮގްރާމް ފުވައްމުލައް ސިޓީގައި ކުރިއަށް ގެންގޮސްފި

އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން ކުރިއަށް ގެންދާ “ހާލު ކިހިނެއް؟” ޕްރޮގްރާމް ފުވައްމުލައް ސިޓީގައި ކުރިއަށް ގެންގޮސްފިއެވެ.

މި ޕްރޮގްރާމް ފުވައްމުލައް ސިޓީގައި ފަށާފައިވާއިރު، ފުވައްމުލައް ސިޓީ ކައުންސިލް އަދި ފުވައްމުލައް އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އެހީތެރިކަމާއިއެކު ހުރިހާ ގެތަކަށް ޒިޔާރަތްކޮށް، ޢާއިލާތަކުގެ އާންމު ހާލަތު ބެލުމުގެ މަސައްކަތް ދަނީ ކުރެވެމުންނެވެ.

މިހާތަނަށް މިޕްރޮގްރާމްގެ ތެރެއިން ފުވައްމުލައް ސިޓީގެ 250 އަށްވުރެ ގިނަ ގޭބިސީއަށް “ ހާލު ކިހިނެއް؟” ޓީމުން ވަނީ ޒިޔާރަތްކޮށްފައެވެ.

‘ހާލު ކިހިނެއް؟’ ޕްރޮގްރާމަކީ ރާއްޖޭގައި މީހުން ދިރިއުޅޭ ހުރިހާ ގެތަކަށް ޒިޔާރަތްކޮށް، ރައްޔިތުންގެ ހާލު ބަލައި ދައުލަތުގެ ޚާއްސަ ސަމާލުކަމާއި އެހީތެރިކަން ބޭނުންވާ ފަރާތްތައް ދެނެގަނެ އެފަރާތްތަކަށް އެހީތެރިކަން ފޯރުކޮށްދިނުމަށް ކުރިއަށް ގެންދާ ޕްރޮގްރާމެކެވެ.