ސީބިޓް މޯލްޑިވްސް ޕްރޮޖެކްޓްގެ ދަށުން ލޯ އެމިޝަންސް އެނަލިސިސް ޕްލެޓްފޯމުގެ ތަމްރީން ފެށިއްޖެ

ސީބިޓް މޯލްޑިވްސް ޕްރޮޖެކްޓްގެ ދަށުން ލޯ އެމިޝަންސް އެނަލިސިސް ޕްލެޓްފޯމް (ލީޕް) އާ ގުޅޭ 5 ދުވަހުގެ ތަމްރީން ޕްރޮގްރާމެއް ފަށައިފި އެވެ.

އެންވަރަމެންޓު މިނިސްޓްރީން މިއަދު ބުނީ މި ތަމްރީން ޕްރޮގްރާމް އަމާޒުކުރެވިފައިވަނީ ބައިވެރިންނަށް ލީޕްގެ ޔޫސަރ އިންޓަރފޭސް އަދި ޓަރމިނޮލޮޖީއާ އަހުލުވެރިކުރުވުމަށް ކަމަށެވެ.

މިނިސްޓްރީ އޮފް އެންވަޔަރަންމަންޓުން މަޢުލޫމާތު ދެއްވިގޮތުގައި، މި ތަމްރީނުގައި އެނަރޖީ ޑިމާންޑް އަދި ސަޕްލައި، އެނަރޖީއާ ގުޅުންހުރި އެމިޝަންތައް، އަދި އެނަރޖީ ސިސްޓަމްތަކުގެ ޚަރަދުތަކާއި ފައިދާތައް މޮޑެލްކުރުމުގައި ލީޕްގެ ޤާބިލުކަން ދައްކައިދެވޭނެއެވެ. މި ތަމްރީން ޕްރޮގްރާމް ކުރިއަށް ގެންދަވަނީ ސްޓޮކްހޯމް އެންވަޔަރަންމަންޓް އިންސްޓިޓިއުޓް (އެސްއީއައި) ގެ ސައިންޓިސްޓް ޑރ. ޝާލޮޓް ވެގްނަރ އާއި އެމްއާރްވީހަބް/ޖީއެޗްޖީއެމްއައި ގެ ބެނިސް ޖޯސެފްއެވެ.

ސީބިޓް މޯލްޑިވްސް ޕްރޮޖެކްޓަކީ ގްލޯބަލް އެންވަޔަރަންމަންޓް ފެސިލިޓީ (ޖީއީއެފް) އިން ފަންޑުކޮށްގެން މިނިސްޓްރީ އޮފް އެންވަޔަރަންމަންޓުން ޔޫއެން އެންވަޔަރަންމަންޓްގެ އެހީތެރިކަމާއެކު ހިންގާ މަޝްރޫޢެކެވެ. މިނިސްޓްރީން ވިދާޅުވިގޮތުގައި މި ތަމްރީން ޕްރޮގްރާމަކީ ބައިވެރިންނަށް ފައިދާހުރި އަދި އުފެއްދުންތެރި ހަފްތާއަކަށް ވާނެކަމަށް އުންމީދުކުރެވެއެވެ.

މި ތަމްރީން ޕްރޮގްރާމް ކުރިއަށްދާނީ 5 ދުވަހުގެ މުއްދަތަށް ކަމަށާއި، މިއީ ރާއްޖޭގައި ދަށް އެމިޝަންތަކެއް ކުރާ ތަރައްޤީގެ މަގު ހޯދުމަށް މުހިންމު ފިޔަވަޅެއް ކަމުގައި މިނިސްޓްރީން ފާހަގަކުރެއްވިއެވެ.