އަބޫދާބީގައި ޔަހޫދީއަކު ވަގަށްނަގައިފި

އަބޫދާބީގައި އުޅެމުންދިޔަ ޔަހޫދީ އިޒްރޭލުގެ ރައްޔިތަކު ވަގަށް ނަގާފައިވާ ކަމަށް އިޒްރޭލުގެ މީޑިއާތަކުން ރިޕޯޓުކޮށްފި އެވެ.

އިޒްރޭލުގެ ޖާސޫސީ އިދާރާ މޮސާޑުގެ އޮފިޝަލުންނާއި ހަވާލާދީ ރިޕޯޓުތައް ބުނާގޮތުގައި އަބޫދާބީގައި ޔަހޫދީންގެ ފާދިރީއަކު ގެއްލުނު މައްސަލައް މިހާރު ތަހުގީގު ކުރަމުންދާއިރު މި މައްސަލަ މޮސާޑުން ތަހުގީގު ކުރަމުންދަނީ "ޓެރަރިސްޓް ހާދިސާއެއް" ގެ ގޮތުގައި އެވެ.

މިދިޔަ ބުރާސްފަތި ދުވަހުން ފެށިގެން ގެއްލިގެން ހޯދަމުން ދަނީ އިޒްރޭލް-މޯލްޑޯވާގެ ރައްޔިތެއް ކަމަށްވާ ޒަވީ ކޯގަން އެވެ. ކޮގަން އަކީ ޔުނައިޓެޑް އަރަބް އެމިރޭޓްސް (ޔޫއޭއީ) ގައި ހުންނަ ޔަހޫދީ ޖަމާއަތެއްގެ މަންދޫބެވެ.

އިޒްރޭލުގެ ބޮޑުވަޒީރުގެ އޮފީހުން ބުނީ މި މައްސަލަ އަބޫދާބީގައި އެގައުމުގެ ސަލާމަތީ އަދި ޖާސޫސީ އިދާރާތަކުން ތަހުގީގު ކުރަމުން އަންނަ ކަމަށެވެ.

"މޮސާޑުން އަޕްޑޭޓް ކޮށްފައި ވަނީ އޭނާ ގެއްލުނު ފަހުން، އަދި މިއީ ޓެރަރިޒަމްގެ ހާދިސާއެއް ކަން އަންގައިދޭ މައުލޫމާތެއް ދީފައި، އެ ގައުމުގައި އެކްޓިވް ތަހުގީގެއް ހިނގަމުން އެބަދޭ. " ޖައްބާރު ނަތަންޔާހޫގެ އޮފީހުން ނެރުނު ބަޔާނުގައި ވެއެވެ