20 މިނިޓުތެރޭ ހިޒްބުالله ގެ 30 އަށްވުރެ ގިނަ ރޮކެޓު ހަމަލާ އިޒްރޭލުގެ ހައިފާއަށް!

އިޒްރޭލުގެ ހައިފާއަށް އަމާޒުކޮށް ހިޒްބުالله އިން 20 މިނިޓު ތެރޭ 30 އަށްވުރެ ގިނަ ރޮކެޓު ފޮނުވާލައިފި އެވެ.

އިސްރާއީލުގެ އަސްކަރިއްޔާގެ ރޭޑިއޯއިން ރިޕޯޓްކޮށްފައިވާ ގޮތުގައި ހިޒްބުالله އިން ވަނީ 20 މިނެޓަށްވުރެ ކުޑަ ވަގުތުކޮޅެއްގެ ތެރޭގައި ޖުމްލަ 30 މިސައިލަށް ރޮކެޓު އިޒްރޭލަށް އަމާޒުކޮށް ފޮނުވާލާފައި އެވެ. އަދި މި ހަމަލާތައް ފޮނުވާލީ ތިން މަރުހަލާއަކަށް ބަހާލާފައިގެން ކަމަށްވެސް ވަނީ ބުނެފައި އެވެ.

މި ހަމަލާތައް ހިޒްބުالله އިން އަމާޒުކުރީ އިސްރާއީލުގެ އުތުރުގެ މައި ބަނދަރު ކަމަށްވާ ހައިފާގެ ބަނދަރަށް ކަމަށްވެސް އިސްރާއީލުގެ އަސްކަރިއްޔާގެ ރޭޑިއޯއިން ބުނެއެވެ.

އަސްކަރިއްޔާއިން ބުނީ މި ހަމަލާގައި ބައެއް ޕްރޮޖެކްޓަލްތައް ހުއްޓުވާފައިވާ ކަމަށާއި ނަމަވެސް ބައެއް ރޮކެޓުތައް އަމާޒުތަކަށް ވާސިލުވި ކަމަށެވެ. ނަމަވެސް ލިބުނު ގެއްލުންތަކާއި ހަމަލާގައި ޔަހޫދީންތަކެއް ޒަހަމްވި ނުވަތަ މަރުވި ކަން އަދި މިހާތަނަށް ކަށަވަރުކޮށްދީފައެއް ނުވެއެވެ.