އިޒްރޭލުގެ އަސްކަރީ މަރުކަޒަކަށް އަމާޒުކޮށް ހިޒްބުاللهއިން މިސައިލް ހަމަލާއެއްދީފި

އިޒްރޭލުގެ އަސްކަރީ މަރުކަޒަކަށް އަމާޒުކޮށް ހިޒްބުاللهއިން މިސައިލް ހަމަލާއެއްދީފި އެވެ.

ލުބުނާނަށް ނިސްބަތްވާ ހިޒްބުالله ޖަމާއަތުން ބުނީ އިޒްރޭލުގެ ވެރިރަށް ކަމަށްވާ ތެލްއަވީވްގައި ހުންނަ އިސްރާއީލުގެ ގްލިލޮޓް މިލިޓަރީ އިންޓެލިޖެންސް ބޭސްއަށް މިސައިލް ފޮނުވާލާފައިވާ ކަމަށެވެ. ނަމަވެސް މި ހަމަލާގައި އެތަނަށް ލިބުނީ ކޮން ގެއްލުންތަކެއް ކަމެއް އަދި މިހާތަނަށް ހާމަކޮށްފައި ނުވެއެވެ.

މީގެ އިތުރުން ހިޒްބުالله އިން ބުނީ ލުބުނާނުގެ ދެކުނުގެ ހަތަރު އަވަށުގައި ހަރަކާތްތެރިވަުން ދިޔަ އިޒްރޭލު ސިފައިންނަށް އަމާޒުކޮށް ހަމަލާދިން ކަމަށާއި އޭގެ ތެރޭގައި ފްލޭޝްޕޮއިންޓް އަވަށެއް ކަމަށްވާ ކިއާމް ވެސް ހިމެނޭ ކަމަށެވެ.

މި ހަމަލާތައް ދީފައި މިވަނީ މިދިޔަ ހޯމަ ދުވަހު ތެލްއަވީވްއަށް ހިޒްބުالله އިން ދިން ރޮކެޓް ހަމަލާގައި ހަ މީހަކު ޒަހަމްވެފައިވާކަން އިޒްރޭލުން ހާމަކޮށްފައިވަނިކޮށެވެ.

ހިޒްބުالله ގެ ބަޔާނު ނެރުނުތާ ކުޑައިރުކޮޅެއްގެ ތެރޭގައި ނިރުބަވެރި އިޒްރޭލުންވެސް ވަނީ ބަޔާނެއް ނެރެފައި އެވެ. އެބަޔާނުގައި ބުނީ ލުބުނާނުން އިޒްރޭލުގެ ވައިގެ ސަރަހައްދަށް 35 ވަރަކަށް ރޮކެޓު ހަމަލާ ވަދެފައިވާ ކަމަށާއި އެހަމަލާތައް ހުއްޓުވުމަށް އަސަކަރިއްޔާއިން މަސައްކަތް ކޮށްފައިވާ ކަމަށެވެ.