ހިޒްބުالله ގެ ރޮކެޓު ހަމަލާއެއްގައި 7 ޔަހޫދީއަކު ޒަހަމްވެއްޖެ

ލުބުނާނުގެ ޖަމާއަތެއް ކަމަށްވާ ހިޒްބުالله އިން އިޒްރޭލުގެ މެދުތެރެއަށް ދިން ރޮކެޓު ހަމަލާއެއްގައި 7 ޔަހޫދީއަކު ޒަހަމްވެއްޖެ އެވެ.

އިޒްރޭލުގެ އެމްބިއުލާންސް ސާވިސް، މަޖެން ޑޭވިޑް އަޑޮމް އިން ރިޕޯޓްކޮށްފައިވާ ގޮތުގައި ހިޒްބުالله އިން މިއަދު އިޒްރޭލަށް ދެމުންދާ ވަރުގަދަ ރޮކެޓު ހަމަލާތަކުގައި މިހާތަނަށް އިޒްރޭލުގެ ހަތް މީހަކަށް ވަނީ އަނިޔާވެފަ އެވެ.

މިކަން އިޒްރޭލުން ހާމަކުރި އިރު އިޒްރޭލުގެ ގްރޭޓާ ތެލް އަވީވް ސަރަހައްދުގެ ޑާން، ޝެރޮން އަދި މެނާޝޭގެ ސަރަހައްދުތަކަށް އިވުނު ސައިރަންތަކާ ގުޅިގެން އިޒްރޭލުގެ އަސްކަރިއްޔާއިން ބުނީ ލުބްނާނުން އިޒްރޭލުގެ ސަރަހައްދަށް ފާއިތުވި 24 ގަޑިއިރުތެރޭގައި ގިނަ އަދަދެއްގެ ރޮކެޓު ހަމަލާ އަމާޡުވެފައިވާ ކަމަށެވެ.

އަދި ބައެއް ޕްރޮޖެކްޓަލްތައް ހުއްޓުވާފައިވާ ކަމަށާއި ހަމަލާގެ ތަފްސީލްތައް ދިރާސާ ކުރަމުން އަންނަ ކަމަށް ވެސް އެ ބަޔާނުގައި ވެ އެވެ.

އިޒްރޭލުގެ އަސްކަރިއްޔާއިން ބުނީ ލުބުނާނުން މަތީ ގަލީލާ ދިމާލަށް 10 ރޮކެޓް ފޮނުވާލާފައިވާ ކަމަށާއި އޭގެ ތެރެއިން ބައެއް ރޮކެޓްތައް ހުއްޓުވި އިރު އަނެއްބައި ރޮކެޓްތައް ވެއްޓިފައި ވަނީ އާންމުން ނޫޅޭ ސަރަހައްދުތަކަށް ކަމަށެވެ.

ލުބްނާނުން ރޭ ފޮނުވާލި ރޮކެޓުތަކުން އިތުރު ހަ މީހަކު ޒަހަމްވެ، ތެލްއަވީވްގެ އަވަށެއްގައި ވަނީ އަލިފާން ރޯވެފައި އެވެ،