ރާއްޖޭގެ ބޮޑު ސަރަހައްދަކަށް ހުދު ސަމާލު ނެރެފި

މޫސުން ގޯސްވާނެ ކަމަށް ލަފާކޮށް ރާއްޖޭގެ ބޮޑު ސަރަހައްދަކަށް ހުދު ސަމާލު ނެރެފި އެވެ.

މޫސުމާ ބެހޭ ގައުމީ އިދާރާއިން ހުދުސަމާލު ނެރެފައިވަނީ، ހއ. އަތޮޅުން ފެށިގެން ލ އަތޮޅާ ހަމައަށެވެ. އެގޮތުން މި ސަމާލު ނެރެފައިވަނީ 14:00 އިން ފެށިގެން މިރޭގެ 20:00 ގެ ނިޔަލަށެވެ.

މި މުއްދަތުގައި މި ސަރަހައްދަށް ބޯކޮށް ވާރޭވެހި ގުގުރާނެ ކަމަށް އެއިދާރާއިން ލަފާކުރެއެވެ.

ފާއިތުވި ހަތަރު ދުވަހުވެސް ރާއްޖޭގެ ބޮޑު ސަރަހައްދަކަށް ވަނީ މޫސުން ގޯސްވެފައި އެވެ. އެގޮތުން ބޯކޮށް ވާރޭވެހުމުގެ ސަބަބުން ބައެއް ރަށްތަކަށް ބޮޑެތި ގެއްލުންތަކެއް ލިބިފައިވާއިރު ނެޝަނަލް ޑިޒާސްޓަރ މެނޭޖްމެންޓުން ދަނީ ރަށްތަކުގެ ހާލަތުން ގާތުން ބަލަމުންނެވެ.