ހިޔާ ފްލެޓެއްގައި މީހަކު ރަހީނުކުރި މައްސަލާގައި ހައްޔަރުކުރި ބައެއް މީހުން ތަހުގީގު ނިމެންދެން ބަންދަށް!

މިމަހުގެ ހަތްވަނަ ދުވަހުގެ ރޭ އެޗްނުވަވަނަ ޓަވަރުގެ 20 ވަނަ ފްލޯގެ 11 ވަނަ އެޕާޓްމަންޓުގެ ތެރޭގަ މީހަކު ރަހީނުކުރި މައްސަލައިގައި ހައްޔަރުކުރި ބައެއް މީހުން ފުލުހުންގެ ތަހުގީގު ނިމެންދެން ބަންދުކޮށްފި އެވެ.

އެ މައްސަލާގައި ހައްޔަރުކޮށްފައިވާ 12 މީހުންނަކީ:

• އަލްމާން އަލީ ހާލިދު (22އ), ވެހި, ގދ. ވާދޫ
• މުހައްމަދު އިޒްކާން (18އ), މ.ހަތިކަނޑު, މާލެ
• އިޒާން އަހްމަދު (18އ), ޒުނައިޓްވިލާ, ކ. ގުރައިދޫ
• އަހްމަދު ޒާހިރު (36އ), ދަންމަރު, ށ. ފޯކައިދޫ
• އާދަމް ހުސައިން (48އ), ޖަމީލާމަންޒިލް, ލ. މާވަށް
• އިބްރާހީމް ނަޝީދު (34އ), ހިޔަލީގުލްޝަން, ލ. އިސްދޫ
• އަހްމަދު ސަމީހު (22އ), ނައިޓްސްޓާރ, ބ. ގޮއިދޫ
• އިސްމާއީލް ވިސާމް މުހައްމަދު (29އ), ވ. ގާމާ, ކ. މާލެ
• ވިޝާމް މުހައްމަދު (23އ), ޗިޗަންޑާގެ, ގދ. ވާދޫ
• ވިސާމް މުހައްމަދު (30އ), ހުޅުޏާލެ ހިޔާ 14-17-03,
• މުޝްތާގު ޝާކިރު (37އ), ޖަނަވަރީގެ, ގދ. ވާދޫ
• ހަސަން ޣާލިބު (38އ), އާރެސް, މ. ކޮޅުފުށި

މި މީހުންގެ ބަންދާއި މެދު ގޮތެއް ނިންމުމަށް ފުރަތަމަ ކޯޓަށް ހާޒިރުކުރުމުން އޭގެ ތެރެއިން 5 މީހަކު ތިން ދުވަހަށް ބަންދުކުރަން އަމުރުކުރި އިރު ބާކީ 7 މީހުން ބަންދުކޮށްފައިވަނީ 9 ދުވަހަށެވެ.

އެމީހުންގެ ބަންދަށް ދިން ދުވަސްތައް ހަމަވުމާއި އެކު މިފަހުން އެމީހުންގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުމުން އެކަކުގެ ބަންދަށް 5 ދުވަސް އަދި ތިން މީހެއްގެ ބަންދަށް 8 ދުވަސް ވަނީ ކޯޓުން ދީފައި އެވެ. އަދި ބާކީ ތިބި އެންމެން ތަހުގީގު މަރުހަލާ ނިމެންދެން ބަންދުކުރުމަށް ކޯޓުން ވަނީ އަމުރުކޮށްފައެވެ.

އެ ހާދިސާ ހިނގާފައިވަނީ އެޗް-9 ޓަވަރުގެ 20 ވަނަ ފަންގިފިލާގެ 11 ވަނަ އެޕާޓްމަންޓްގަ އެވެ.

އެ ރޭ ފުލުހުން ބުނީ އެ މީހާ ސަލާމަތްކޮށްފައިވަނީ މީހަކު ރަހީނުކުރި ކަމަށް ބުނެ ފުލުހުންނަށް ލިބުނު މައުލޫމާތަކާ ގުޅިގެން ފުލުހުން ކުރި މަސައްކަތުން ކަމަށެވެ. އަދި އެޕާޓްމަންޓްގެ ދޮރު ހަލާކުކޮށް, ވަތްއިރު އެ މީހާގެ ބޯ ބާލުވަފައިވާ ކަމަށް ބުނެފައިވެ އެވެ.

އޭގެ އިތުރުން އެ މީހާގެ އިނގިލި ބުރި ކޮށްލަން އެ މީހުން އެ ވަގުތު މަސައްކަތްކުރަމުންދިޔަ ކަމަށްވެސް ފުލުހުން ބުނެފައިވެ އެވެ.