މިނިސްޓަރު ހަލީލް ތުރުކީގެ ހާރިޖީ ވަޒީރާއި ބައްދަލުކުރައްވައިފި

ރާއްޖޭގެ ހާރިޖީ ވަޒީރު ޑރ އަބްދުالله ހަލީލް, ތުރުކީގެ ހާރިޖީ ވަޒީރު ހަކަން ފިދާން އާއި ބައްދަލުކުރައްވައިފި އެވެ.

މި ބައްދަލުކުރެއްވުން އޮތީ މިހާރު ސައުދީ ގައި ކުރިޔަށްދާ އެކްސްޓްރާ އޯޑިނަރީ ޖޮއިންޓް އަރަބް-އިސްލާމިކް ސަމިޓްގެ ހަވާސާގައި އެވެ.

މި ބައްދަލުކުރެއްވުމަށްފަހު މިނިސްޓަރު ހަލީލް އެކްސްގައި ކުރެއްވި ޕޯސްޓެއްގައި ވިދާޅުވީ ދެ ޤައުމުގެ ދެމެދުގައި އޮތް ގުޅުން ވަރަށް ބޮޑަށް ބަދަހިވެ، ރާއްޖެއާއި ތުރުކީވިލާތާ ދެމެދު އޮތް ގުޅުމުގެ ރަން ޒަމާނެއް ފެށިފައިވާ ކަމަށެވެ.

އެގޮތުން މި ބައްދަލުކުރެއްވުމުގައި ތަޢުލީމާއި، ވިޔަފާރީގެ ދާއިރާއާއި، ސަލާމަތާއި ރައްކާތެރިކަން ފަދަ ދާއިރާތަކުން މިހާތަނަށް ލިބިފައިވާ ކުރިއެރުންތަކާއި މެދު މަޝްވަރާކުރެވުނު ކަމަށާއި އަދި ބައިނަލްއަޤްވާމީ އެކި ޕްލެޓްފޯމްތަކުގައި ފަލަސްޠީނުގެ ރައްޔިތުންނަށް އިންސާފު ހޯދައިދިނުމަށް ދެޤައުމު ގުޅިގެން މަސައްކަތް ކުރެވިދާނެ ގޮތްތަކާ ބެހޭގޮތުންވެސް މަޝްވަރާކުރެވުނު ކަމަށް ހަލީލް ވިދާޅުވި އެވެ.

ރައީސް ޑރ މުހައްމަދު މުއިއްޒުގެ ވެރިކަމާއި އެކު ރާއްޖެއާއި ތުރުކީއާއި ދެމެދު ގުޅުންތައް ވަނީ އިތުރަށް ބަދަހިވެފައި އެވެ. ރައީސް މުއިއްޒުގެ ރިޔާސީ ދަައުރުގެ ފުރަތަމަ ދަތުރުފުޅުވެސް ކުރެއްވީވެސް ތުރުކީއަށެވެ.