އައިޔޫއެމްގައި ކީރިތި ޤުރުއާނާއި ބެހޭ ޚާއްސަ ވޯކްޝޮޕެއް ބާއްވަނީ

ދިވެހިރާއްޖޭގެ އިސްލާމިކް ޔުނިވާސިޓީ (އައިޔޫއެމް) އިން "އަލްމަހެފިލްލުލް ޤުރްޢާން"ގެ ނަމުގައި ކީރިތި ޤުރުޢާނާއި ގުޅޭ ވޯކްޝޮޕެއް ބޭއްވުމަށް ތައްޔާރުވެއްޖެއެވެ.

02 ނޮވެމްބަރ ވާ ހޮނިހިރު ދުވަހު، އައިޔޫއެމްގެ ހޯލްގައި ބޭއްވުމަށް ހަމަޖެހިފައިވާ މި ވޯކްޝޮޕްގައި، ކީރީތި ޤުރުޢާން ކިޔެވުމުގެ ފަންނުވެރިކަމާއި ތަފްސީރީ ފިލާވަޅުތަކާއި، ޤުރްޢާން ރީތިކޮށް ތިލާވަރުކުރަން ބޭނުންވާ ހުނަރުތަކާއި އުކުޅުތަކުގެ އިތުރުން ޤުރުޢާން އުގަންނައިދޭ މީހާގެ އަދަބުތަކާއި ގުޅޭގޮތުން ވެސް މަޢުލުމާތު ހިއްސާކުރައްވާނެއެވެ.

މި ވޯކްޝޮޕްގައި، ޢިލްމުވެރިންގެ ގޮތުގައި ބައިވެރިވެލައްވާނީ އައިޔޫއެމްގެ ވައިސް ޗާންސެލަރ، ޑރ. ޢަލީ ޒާހިރު، އަލްޙާފިޡު އިބްރާހިމް ރަމްޒީ،ޑރ.ޖުމްޢާ ޙަމްދީ ސާލިމް، އަލްޤާރީ އިބްރާހިމް ޝިފާއު،ޑރ. އަބްދުއްސައްތާރު ޢަބްދުއްރަޙްމާން، ފަޞީލަތުއްޝައިޚުލްމުޤްރިއު އަޙްމަދު ލާޝީން، ޑރ. މުޙައްމަދު މަސްޢޫދު ޢުލްވާނީ، އަލްޤާރީ މުޙަންމަދު ޝިނާން މުނީރު އަދި ޑރ. އަބްދުﷲ ޖަމީލެވެ.

މި ވޯކްޝޮޕަކީ އެކި މަރުޙަލާތަކަށް ބަހާލައިގެން، 02 ނޮވެމްބަރ ވާ ހޮނިހިރު ދުވަހުގެ ހެނދުނު 9:00 އަކުން 16:15 އަށް ކުރިއަށް ދިޔުމަށް ހަމަޖެހިފައިވާ ވޯކްޝޮޕެކެވެ.

ވޯކްޝޮޕްގައި ބައިވެރިވުމަށް ތިރީގައިވާ ލިންކު މެދުވެރިކޮށް، ރަޖިސްޓަރ ކުރެވޭނެއެވެ.

https://docs.google.com/forms/d/e/1FAIpQLSe6YmHhWlgsPxHdd6gmhYzEfoSeaUHunlB9aU3-koLK46l25g/viewform