ވިލިނގިލި ބަނދަރު ތަރައްގީ ކުރުމުގެ 52 ޕަސެންޓް މަސައްކަތް ނިމިއްޖެ

ގއ. ވިލިނގިލި ބަނދަރު ތަރައްގީކުރުމުގެ ތިންވަނަ ފިޔަވަހީގެ 52 ޕަސެންޓް މަސައްކަތް ނިމިފައިވާ ކަމަށް އެމްޓީސީސީން ބުނެފި އެވެ.

އެމްޓީސީސީން ބުނެފައިވަނީ ވިލިނގިލި ބަނދަރު މަޝްރޫއުގެ ދަށުން މިހާރު ކުރިއަށް ދަނީ އެންކާ ބްލޮކް އެތުރުމުގެ މަސައްކަތާއި ހާބާ ޕޭވްމަންޓްގެ ކޮންކްރީޓް މަސައްކަތްތައް ކަމަށެވެ.

މި މަޝްރޫޢުގެ ދަށުން، 59,536.80 ކިއުބިކް މީޓަރުގެ ސަރަޙައްދެއްގެ ހާބަރ ބޭސިން ފުންކުރުމާއި، 275 މީޓަރުގެ ސަރަޙައްދެއްގައި ބޭރުތޮށި ލުމާއި، 613 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 105 މީޓަރުގެ ސަރަޙައްދެއްގައި ގްރޮއިން ޖެހުމާއި، 685 މީޓަރުގެ ސަރަޙައްދެއްގައި އެއްގަމުތޮށި ލުމުގެ މަސައްކަތް ހިމެނެއެވެ.

މި މަޝްރޫޢަކީ 107.86 މިލިއަން ރުފިޔާގެ މަޝްރޫއެކެވެ.