ހިންނަވަރުގައި ފެނުގެ ކެޕޭސިޓީ އިތުރުކުރުމަށް އެރަށަށް އިތުރު އާރްއޯ ޕްލާންޓެއް!

ރާއްޖޭގެ ރަށްތަކުގެ ފެނުގެ ކެޕޭސިޓީ އިތުރުކުރުމަށް ފެނަކަ ކޯޕަރޭޝަނުން ކުރަމުންދާ މަސައްކަތުގެ ތެރެއިން އިތުރު ރަށަކަށް އާރްއޯ ޕްލާޓެއް ފޮނުވައިފި އެވެ.

ފެނަކައިން ބުނީ ދެމެހެއްޓެނިވި ގޮތެއްގައި ފެނުގެ ޚިދުމަތް ދިނުމަށް ކުރެވެމުންދާ މަސައްކަތްތަކުގެ ތެރެއިން ޅ.ހިންނަވަރުގައި ފެނުގެ ކެޕޭސިޓީ އިތުރުކުރުމުގެ ގޮތުން އިތުރު އާރު.އޯ ޕްލާންޓެއް އެރަށަށް ގެންދެވައިފައިވާ ކަމަށެވެ.

އެގޮތުން ހިންނަވަރަށް ފެނަކައިން ފޮނުވާފައުވަނީ 55 ޓަނުގެ އާރުއޯ ޕްލާޓެކެވެ.

މި ޕްލާންޓު އެރަށަށް ގެންދެވި އިންސްޓޯލް ކޮށް ހިދުމަތް ދިނުމަށް އެރަށުގެ ފެނަކަ ބްރާންޗުގެ މުވައްޒަފުންނާއި ފެނަކައިގެ ޓެކްނިނަލް މުވައްޒަފުން އަންނަނީ މިހާރު މަސައްކަތް ކުރަމުންނެވެ.

ރާއްޖޭގައި އެންމެ ފުޅާ ދާއިރާއެއްގައި ފެނާއި, ނަރުދަމާ އަދި ކަރަންޓުގެ ހިދުމަތް ދެމުން އަންނަ ފެނަކަ ކޯޕަރޭޝަނުން ދަނީ އެކުންފުނީގެ ހިދުމަތްތައް އިތުރަށް ފުރިހަމަކޮށް ރައްޔިތުންނަށް ހިދުމަތް ދިނުމަށް ގިނަ ގިނަ މަސައްކަތްތަކެއް ކުރަމުންނެވެ.