ފާއިތުވި އަހަރުގެ ތެރޭގައި ފެނާ ނަރުދަމާގެ ޚިދުމަތުން ފެނަކައަށް އެދެވޭ ކުރިއެރުންތަކެއް!

ފެނަކައަކީ ރާއްޖޭގެ 157 ރަށަކަށް އަސާސީ ޚިދުމަތް ފޯރުކޮށްދެމުން އަންނަ ކުންފުންޏަކަށް ވާހިދު ހަަަމައެކަނި ފެނާއި ނަރުދަމާގެ ޚިދުމަތައް އެކަނި ބެލިކަމުގައި ވިޔަސް އެކުންފުނިން އަންނަނީ މިހާރުވެސް ރާއްޖޭގެ މީހުން ދިރިއުޅޭ 98 ރަށަކަށް އެ ޙިދުމަތް ފޯރުކޮށް ދެމުންނެވެ.

އަދި ހަމަ އެއާއެކު މިވީ އަހަރެއްހާ ދުވަސް ތެރޭގައި އެކުންފުނިން ވަނީ ޚިދުމަތްތައް ފުޅާކޮށް ރަށްޔިތުންނަށްއެދެވޭ ޚިދުމަތެއް ދިނުމަށް ބުރަ މަސައްކަތްތަކެއް ކޮށްފައެވެ.

މިގޮތުން ފޯރުކޮށްދެމުން އަންނަ ފެނުގެ ޚިދުމަތަށް ބަލާލާއިރު، މި ވޭތުވެދިޔަ އެއްއަހަރު ތެރޭގައި މުޅިޔަކު 5 ރަށެއްގައި ފެނުގެ ކެޕޭސިޓީ އިތުރުކުރުމުގެ ގޮތުން ދުވާލެއްގެ މައްޗައް 564 ޓަނުގެ ފެން އުފެއްދުމަށް ބޭނުންވާ އާރް.އޯ ޕްލާންޓް ގާއިމްކުރެވިފައިވާ ކަމަށް ފެނަކައިން ބުނެއެވެ.

އަދި ހަމަ އެއާއިއެކު މިވޭތުވެދިޔަ އެއްއަހަރު ތެރޭގައި ރައްރަށުގައި ޤާއިމް ކޮށްފަވާ އައު ހައުސިންގ ޔުނިޓު ތަކަށް ފެނާއި ނަރުދަމާގެ ޙިދުމަތް ފޯރުކޮށް ދިނުމުގެ މަސައްކަތް ވެސް އެކުންވެރިން ދަނީ ކުރަމުންނެވެ. މިގޮތުން ހދ.ނޮޅިވަރަންފަރު، ބ.ތުޅާދޫ އަދި ތ.ތިމަރަފުށީ ގައި މި މަސައްކަތް މިވަގުތު ވެސް ކުރިއަށް ދާއިރު މި މަސައްކަތް މިއަހަރުގެ ނޮވެންބަރ މަސްތެރޭގައިނިންމާލެވޭނެކަމަށް ވެސް އެކުންފުނިން ހާމަ ކުރެއެވެ.

އެކުންފުނިން ދެމުން ގެންދާ ފެނާއި ނަރުދަމާގެ ޚިދުމަތް ރައްޔިތުންނަށް އެންމެ އެދެވޭ ގޮތެއްގައި ދިނުމަށާއި އަދި ޚިދުމަތް ފުޅާކުރުމުގެގޮތުން ފާއިތުވި އެއްއަހަރު ތެރޭގައި އިތުރު 21 ރަށެއްގައި ފެނުގެ ޚިދުމަތް ވަނީ ދޭން ފަށާފައެވެ އަދި ހަމަ އެއާއެކު 4 ރަށެއްގައި ނަރުދަމާ ވަނީ އަލައް ޤާއިމްކޮށްފައެވެ.

ފެނަކައިގެ މެނޭޖިންގ ޑިރެކްޓަރ މުއާޒު މުހަންމަދު ރަޝީދު ވިދާޅުވި ގޮތުގައި، ދަތިތަކާއި ގޮންޖެހުންތަކާއި އެކުގައި ވެސް ފެނަކައިގެ މިހާރުގެ މެނޭޖުމަންޓުގެ އަމާޒަކީ އެކުންފުންޏަކީ މުސްތަގްބަލުގައި ފައިދާވާ ރައްޔިތުންނައް އެދެވޭ ޚިދުމަތެއް ފޯރުކޮށްދެވޭ ކުންފުންޏަކަށް ވެގެން ދިޔުމެވެ.