މުދަލު ޒަކާތުގެ ނިޞާބަށް ބަދަލުގެނެސްފި

މުދަލު ޒަކާތުގެ ނިޞާބަށް މިއަހަރު ތިން ވަނަ ފަހަރަށް ބަދަލުގެނެސްފި އެވެ.

މޯލްޑިވްސް ޒަކާތު ހައުސްއިން މިއަދު ބުނީ މުދަލު ޒަކާތުގެ ނިޞާބު ކަނޑައެޅުމަށް އެ އިދާރާއިން ޢަމަލުކުރާ އުސޫލުގެ ދަށުން 10 އޮކްޓޫބަރ 2024 ވަނަ ދުވަހުން ފެށިގެން މުދަލު ޒަކާތުގެ ނިޞާބުގެ މިންވަރަކީ 9240.35 ދިވެހި ރުފިޔާ ކަމަށް ކަނޑައަޅާފައިވާ ކަމަށެވެ.

މި ނިސްބަތަށް އެންމެފަހުން ބަދަލުގެނެސްފައި ވަނީ މިއަހަރުގެ މޭމަހުގައި އެވެ. އެފަހަރު އިސްލާމީކަންތައްތަކާބެހޭ ވުޒާރާއިން ކަނޑައަޅާފައިވާ މުދަލު ޒަކާތުގެ ނިޞާބުގެ މިންވަރަކީ 9353.40ރ ރުފިޔާ އެވެ.

ރާއްޖޭގައި ޒަކާތުގެ ނިޞާބުގެ މިންވަރު ކަނޑައަޅަނީ ރިހީގެ އަގަށް ބަލައިގެންނެވެ. ރިހީގެ އަގަށް އަންނަ ބަދަލަކާ ގުޅިގެން ޒަކާތުގެ ގޮތުގައި ދައްކަން ޖެހޭ ދިވެހި ފައިސާގެ މިންވަރު ވެސް ބަދަލުވެގެންދެއެވެ.