ރާއްޖޭގެ ބައެއް ސަރަހައްދުތަކަށް މިރޭވެސް މޫސުން ގޯސް, ބޯކޮށް ވާރޭވެހޭނެ ކަމަށް ލަފާކޮށް ހުދު ސަމާލު!

މިރޭވެސް ރާއްޖޭގެ ބައެއް ސަރަހައްދުތަކަށް މޫސުން ގޯސްވާނެ ކަމަށް ލަފާކޮށް ހުދު ސަމާލު ނެރެފި އެވެ.

މޫސުމާއި ބެހޭ ގައުމީ އިދާރާއިން ހުދު ސަމާލު ނެރެފައިވަނީ މިރޭގެ 00:00 އިން ހެނދުނު 06:00 ގެ ނިޔަލަށް ބ އަތޮޅުން ފެށިގެން ލ އަތޮޅާއި ހަމައަށެވެ.

މޫސުމާއި ބެހޭ ގައުމީ އިދާރާއިން ބުނީ މި މުއްދަތުގައި އެސަރަހައްދަށް ބޯކޮށް ވާރޭވެހި ގުގުރާނެ ކަމަށާއި މިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް ލަފާކުރެވޭ ކަމަށެވެ.

ރާއްޖެއަށް މިހާރު ކުރަމުން އަންނަނީ ހުޅަނގު މޫސުމުގެ ވިއްސާރައެވެ. އެގޮތުން ފާއިތުވި 5 ދުވަހު ހުޅަނގު މޫސުމުގެ ބާރު ގަދަވެ ރާއްޖެ ސަރަހައްދުގައި ވައިޖެހޭ ބާރުމިން ވަނީ ގަދަ ވެފައި އެވެ.