ވިލިމާލޭގައި ޤުރުއާނާއި ބެހޭ މަރުކަޒުގެ ގޮތްޕެއް ޤާއިމް ކުރަނީ
އަހުމަދު ޝުރާއު
10/8/2024, 10:18:07 AM
--
ވިލިމާލޭގައި ޤުރުއާނާއި ބެހޭ މަރުކަޒުގެ ގޮތްޕެއް ޤާއިމް ކުރުމުގެ މަސައްކަތް ފަށައިފިއެވެ.
އިސްލާމީ ކަންތައްތަކާއި ބެހޭ ވުޒާރާއިން ބުނީ މިކަމަށްޓަކައި ކުލާސްތައް ތައްޔާރު ކުރުމުގެ މަސައްކަތް ކުރަމުން އަންނަނީ މާލެ ސިޓީ ކައުންސިލްގެ ފަރާތުން ކަމަށާއި އެގޮތުން ވިލިމާލެ މަސްޖިދުލް ބިއްރިގައި 2 ކުލާސްރޫމް ހެދުމުގެ މަސައްކަތް މާލެ ސިޓީ ކައުންސިލުން ކުރަމުންދާ ކަމަށެވެ.
މި މަސައްކަތް މާލެ ސިޓީ ކައުންސިލް ކުރިއަށް ގެންގޮސްދެއްވާތީ ވަޒީރު ޑރ. ޝަހީމް ވަނީ މާލެ ސިޓީ ކައުންސިލަށް ޝުކުރު އަދާކުރައްވާފައެވެ. އަދި މި ގޮފި ވަރަށް އަވަހަށް ހުޅުވޭނެކަމަށްވެސް ވަޒީރު ވިދާޅުވިއެވެ.
ޤުރުއާނާއި ބެހޭ މަރުކަޒުން މިހާރުވެސް އަންނަނީ މާލެއާއި ރާއްޖޭގެ އެކި ހިސާބުތަކުގައި ތަފާތު ގިނަ ޕްރޮގުރާމުތަކާއި ކުލާސްތައް ކުރިއަށް ގެންދަމުންނެވެ.