ޔަމަނުން އިޒްރޭލަށް އަމާޒުކޮށް މިއަދު ފޮނުވާލި މިސައިލް ހަމަލާއަކާއި އެކު އިޒްރޭލުގެ އަވަށެއްފައި ރޯވެފައިވާކަމަށް ރިޕޯޓުތައް ބުނެފި އެވެ.
ރިޕޯޓުތައް ބުނާގޮތުގައި ޔަމަނުން އިޒްރޭލަށް ފޮނުވާލި ބެެލިސްޓިކް މިސައިލް ހަމަލާއެއް އިންޓަސެޕްޓު ކުރަން އުޅުމުގެ ތެރޭގައި މިސައިލްގެ ބައެއް ބައިތައް ގުދުސްގެ ހުޅަނގުން 30 ކިލޯމީޓަރު (19 މޭލު) ދުރުގައި އޮންނަ ބެއިޓް ޝެމޭޝްގެ މަގުތަކަށް ވެއްޓުމާއި ގުޅިގެން އެއަވަށުގެ ބައެއް ސަރަހައްދު ތަކުގައި ވަނީ އަލިފާން ރޯވެފައި އެވެ.
މިހާރު ދައުރުވަމުންދާ ވީޑިއޯއަކުން ފެންނަ ގޮތުގައި މިސައިލްގެ ބައިތައް ވެއްޓުނު ވަގުތު އެސަރަހައްދުގައި ތިބި ގިނަ އަދަދެއްގެ ޔަހޫދީން ވަނީ ބިރުން ފިލަން ދުވެ ސަލަމާތް ހޯދާފައި އެވެ.
އިޒްރޭލުގެ ވައިގެ އަސްކަރިއްޔާއިން މީގެ ކުރިން ނެރުނު ބަޔާނެއްގައި ބުނީ، އިޒްރޭލުގެ މެދުތެރޭގެ އެކި ސަރަހައްދުތަކުގައި ވައިގެ ހަމަލާތަކުގެ ސައިރަންތައް އިވިފައިވަނީ ޔަމަނުން އިޒްރޭލަށް އަމާޒުކޮށް ފޮނުވާލި މިސައިލް ތަކެއްގެ ސަބަބުން ކަމަށާއި އެހަމަލާ ނާކާމިޔާބުކޮށްލާފައިވާ ކަމަށެވެ.
އަދި ހަމަލާގައި ގެއްލުމެއް ނުލިބޭ ކަމަށް ޔަހޫދީން ބުނި ނަމަވެސް ހަމަލާގައި ގެއްލުންތައް ލިބުނު ކަން ހާމަކުރީ އިޒްރޭލުގެ މީޑިއާތަކުންނެވެ.
މި ހަމަލާގެ ޒިންމާ އަދި މިހާތަނަށް އެއްވެސް ބަޔަކު އުފުލާފައި ނުވާއިރު މިއީ ޔަމަނުގެ ހޫތީން ދިން ހަމަލާއެއް ކަމަށް އިޒްރޭލު އަސްކަރިއްޔާއިން ތުހުމަތު ކުރެއެވެ.
ފަހުގެ
