ގަމު ރީޖަނަލް ހޮސްޕިޓަލްގައި މަސައްކަތްކުރާ ޑޮކްޓަރުންނަށް ޓޮބޭކޯ ސިޒޭޝަނަށް ސެޝަނެއް ނަގައިފި

ދަފަރާ ކެމްޕޭންގެ ދަށުން ލ.ގަމު ރީޖަނަލް ހޮސްޕިޓަލްގައި މަސައްކަތްކުރާ ޑޮކްޓަރުންނަށް ޓޮބޭކޯ ސިޒޭޝަނަށް އަހުލުވެރިކުރުމުވުމުގެ ސެޝަނެއް ބާއްވައިފި އެވެ.

ހެލްތު ޕްރޮޓެކްޝަން އެޖެންސީ އާއި ލ.ގަމު ރީނަޖަލް ހޮސްޕިޓަލް ގުޅިގެން ސެޕްޓެމްބަރު 16 ވަނަ ދުވަހު ލ.ގަމުގައި ބޭއްވުނު މި އޮރިއެންޓޭޝަން ސެޝަންގައި ލ.ގަމު ރީޖަނަލް ހޮސްޕިޓަލްގައި މަސައްކަތްކުރާ ޑޮކްޓަރުންގެ ތެރެއިން 12 ޑޮކްޓަރުން ބައިވެރިވެފައި ވެއެވެ.

މިސެޝަންގައި ޑޮކްޓަރުންނަށް މައުލޫމާތު ދެއްވީ ދަމަނަވެށީގެ ސީނިއަރ މެޑިކަލް އޮފިސަރ ޑރ ޢަބުދުލް ޢަޒީޒު ހަމީދެވެ.

ދުންފަތާއި ދުރުހެލިވުމަށް އެކަން ކުރާ މީހުންނަށް އެހީތެރިވެދޭނެ ގޮތް ދަސްކޮށްދިނުމަށް ޞިއްހީ ދާއިރާގައި މަސައްކަތްކުރާ ތަފާތު ފަންތީގެ ފަރާތްތަކަށް އަމާޒުކޮށް ހެލްތު ޕްރޮޓެކްޝަން އެޖެންސީ އިން ދަނީ ތަފާތު ތަމްރީނު ޕްރޮގްރާމްތަކާއި، ސެޝަންތައް އަދި މައުލޫމާތު ދިނުމުގެ ބައްދަލުވުންތައް ބާއްވަމުންނެވެ.