ރައީސް މުއިއްޒު ފަލަސްތީނުގެ ރައީސް އައްބާސްއާ ބައްދަލުކުރައްވައިފި

ރާއްޖޭގެ ރައީސް ޑރ މުހައްމަދު މުއިއްޒު , ފަލަސްތީނު ދައުލަތުގެ ރައީސް ޑރ މަހްމޫދު އައްބާސްއާ ބައްދަލުކުރައްވައިފި އެވެ.

މި ބައްދަލުކުރެއްވުން އޮތީ އދ.ގެ 79 ވަނަ ޢާންމު މަޖިލީހުގެ ހަވާސާގައި އެވެ.

މި ބައްދަލުކުރެއްވުމުގައި ރައީސް އައްބާސް ބައިނަލްއަޤްވާމީ މުޖުތަމަޢަށް ދެއްވި ވަރުގަދަ މެސެޖެއްގައި ވިދާޅުވީ ހަނގުރާމަ ހުއްޓާލަން ގޮވާލާ ކަމަށާއި، ފަލަސްޠީނުގެ ރައްޔިތުންގެ ޙާލަތު ޙައްލުކުރުމަށް ދުނިޔޭގެ އެއްބާރުލުމާއި އެއްބާރުލުން ދެއްވުމަށް ގޮވާލައްވާފައެވެ.

ރައީސް މުޢިއްޒު ދެއްކެވި ވާހަކަފުޅުގައި، ފަލަސްޠީނަށް ރާއްޖެއިން އަބަދުވެސް އެއްބާރުލުން ދެއްވާނެކަމުގެ ޔަޤީންކަން ދެއްވިއެވެ. ފަލަސްޠީނުގެ ރައްޔިތުންނަށް ލިބެންޖެހޭ ހުރިހާ ޙައްޤުތަކެއް ލިބިގެންދާނެކަމަށް އުއްމީދުކުރައްވާކަމަށާއި، ފަލަސްޠީނަކީ މިނިވަން ޤައުމެއްގެ ގޮތުގައި ބައިނަލްއަޤްވާމީ ފެންވަރުގައި ބަލައިގަތުމަށް ރާއްޖެއިން އަބަދުވެސް މަސައްކަތް ކުރައްވާނެކަމުގެ ޔަޤީންކަން ރައީސުލްޖުމްހޫރިއްޔާ ދެއްވިއެވެ.

ފަލަސްޠީނުގެ ރައްޔިތުންނަށް ރާއްޖެއިން ދެމުންގެންދާ އެއްބާރުލުން އަބަދުވެސް އެނގޭކަމަށާއި، ފަލަސްޠީނުގެ ރައްޔިތުންގެ އެއްބައިވަންތަކަން ދިވެހީންނަށް ވަރަށް ބޮޑަށް ފާހަގަކުރެވޭކަމުގައި ރައީސުލްޖުމްހޫރިއްޔާ ވިދާޅުވިއެވެ.

އަދި ދެޤައުމުގެ ދެމެދުގައި ގުޅުން ބަދަހިކުރެވިދާނެ ދާއިރާތަކާ ބެހޭގޮތުންވެސް ދެބޭފުޅުން މަޝްވަރާކުރެއްވިއެވެ.

މި ބައްދަލުކުރެއްވުން ނިންމަވާލެއްވީ، ރާއްޖެއާއި ފަލަސްޠީނާ ދެޤައުމުގެ ދެމެދުގައި އޮތް ސިޔާސީ ގުޅުން އިތުރަށް ބަދަހިކުރެއްވުމަށާއި، ދެޤައުމުގެ މަސްލަހަތު ހިމެނޭ ކަންކަމުގައި އެކުގައި މަސައްކަތްކުރައްވާނެކަމުގެ ޔަޤީންކަން ދެ ބޭފުޅުން ވެސް ދެއްވައިގެންނެވެ.